ഹോണ്ട ‘0’ എസ്‌യുവി, ഹോണ്ട ‘0’ സലൂൺ ; പുതിയ ഇലക്ട്രിക് കാറുകളുമായി ഹോണ്ട

‘0’ സീരീസ് ബാറ്ററി ഇലക്ട്രിക് വാഹന നിരയിലെ ആദ്യത്തെ രണ്ട് മോഡലുകൾ അവതരിപ്പിച്ച് ഹോണ്ട. ഹോണ്ട ‘0’ എസ്‌യുവി, ഹോണ്ട ‘0’ സലൂൺ പ്രോട്ടോടൈപ്പ് എന്നിവയാണ് പുതിയ മോഡലുകൾ. രണ്ട് പ്രോട്ടോടൈപ്പുകളും അടിസ്ഥാനമാക്കിയുള്ള പ്രൊഡക്ഷൻ മോഡലുകൾ 2026 ൽ വടക്കേ അമേരിക്കയിൽ അവതരിപ്പിക്കുമെന്ന് കമ്പനി വ്യക്തമാക്കി.

ഹോണ്ട 0 സീരീസ് മോഡലുകളിൽ ഉയർന്ന പെർഫോമൻസ് സിസ്റ്റം-ഓൺ-ചിപ്പ് വികസിപ്പിക്കുന്നതിന് റെനെസാസ് ഇലക്ട്രോണിക്സ് കോർപ്പറേഷനുമായി ഹോണ്ട ഒരു കരാറും പ്രഖ്യാപിച്ചിട്ടുണ്ട്. അടുത്ത കുറച്ച് വർഷങ്ങളിൽ ‘0’ സീരീസിൻ്റെ അടുത്ത തലമുറ മോഡലുകളിൽ ഇത് ഉപയോഗിക്കും.

ഹോണ്ട ‘0’ എസ്‌യുവി

ഇത് ഒരു ഇടത്തരം ഇലക്ട്രിക് എസ്‌യുവിയുടെ പ്രോട്ടോടൈപ്പാണ് ഹോണ്ട 0 എസ്‌യുവി. കഴിഞ്ഞ വർഷം CES 2024 ൽ പ്രദർശിപ്പിച്ച സ്പേസ്-ഹബ് കൺസെപ്റ്റ് മോഡലിനെ അടിസ്ഥാനമാക്കിയാണ് ഈ എസ്‌യുവി നിർമ്മിച്ചിരിക്കുന്നത്. എസ്‌യുവി പ്രോട്ടോടൈപ്പിൻ്റെ ഇൻ്റീരിയർ ആളുകൾക്ക് “സ്പേസി” ഫീൽ നൽകുമെന്നാണ് കമ്പനിയുടെ വാദം.ഈ മോഡലിൽ “അൾട്രാ-പേഴ്സണൽ ഒപ്റ്റിമൈസേഷൻ”, ASIMO ഓപ്പറേറ്റിംഗ് സിസ്റ്റം എന്നിവ സജ്ജീകരിച്ചിരിക്കുന്നു. കൂടാതെ, സ്റ്റിയറിംഗ് വീൽ, സസ്‌പെൻഷൻ, ബ്രേക്കുകൾ എന്നിവ പോലുള്ള ബൈ-വയർ ഉപകരണങ്ങളുടെ സംയോജിത നിയന്ത്രണം സ്റ്റിയർ-ബൈ-വയർ സംവിധാനങ്ങൾ സ്വീകരിക്കുന്നത് സാധ്യമാക്കി.

ഹോണ്ട ‘0’ സലൂൺ

ഹോണ്ട 0 സീരീസിൻ്റെ മുൻനിര മോഡലാണ് ഹോണ്ട 0 സലൂൺ. ഇതൊരു സലൂൺ കാറാണ്, ഇതിൻ്റെ ബോൾഡ് സ്റ്റൈലിംഗ് ഡിസൈൻ കൺസെപ്റ്റ് മോഡലിൽ കാണാൻ കഴിയും. പ്രോട്ടോടൈപ്പിൻ്റെ താഴ്ന്ന ഉയരവും സ്‌പോർട്ടി “വെഡ്ജ് ആകൃതിയിലുള്ള” സ്റ്റൈലിംഗുമാണ് വിപണിയിലെ മറ്റ് സലൂൺ മോഡലുകളിൽ നിന്ന് ഇതിനെ വ്യത്യസ്തമാക്കുന്നത്. ഒഹായോയിലെ ഹോണ്ട ഇവി ഹബ്ബിൽ നിർമ്മിച്ച ഹോണ്ട 0 സലൂണിൻ്റെ പ്രൊഡക്ഷൻ മോഡൽ 2026 അവസാനത്തോടെ വടക്കേ അമേരിക്കൻ വിപണിയിൽ അവതരിപ്പിക്കും.