കഞ്ചാവുമായി നാലുപേർ അറസ്റ്റിൽ

കൊല്ലം : കഞ്ചാവുമായി നാലുപേർ അറസ്റ്റിൽ. കരുനാഗപ്പള്ളി താലൂക്കിൽ എക്സൈസ് സംഘം നടത്തിയ പരിശോധനയിൽ 10.086 കിലോഗ്രാം കഞ്ചാവ് ഇവരിൽ നിന്നും പിടിച്ചെടുത്തു.

ഓച്ചിറ വയനകം ഞക്കനാൽ മുരളികവീട്ടിൽ രാജേഷ്‌ കുമാർ (41), ഒഡിഷ സ്വദേശികളായ ബി.ചരൺ ഗൗഡ (27), സുശാന്ത് കുമാർ (22), രാജേഷ്‌കുമാർ പോലായ് (18) എന്നിവരാണ് പിടിയിലായത്.

ജില്ലയിലെ പ്രധാന ലഹരി മൊത്തവിൽപ്പനക്കാരനാണ് രാജേഷ്‌കുമാർ. അന്തസ്സംസ്ഥാന കഞ്ചാവ് വിതരണ ശൃംഖലയിലെ പ്രധാന കണ്ണികളാണ് പ്രതികൾ.

ഒഡിഷയിലെ മാവോയിസ്റ്റ് മേഖലയിൽനിന്ന് കഞ്ചാവ് ശേഖരിച്ച് സംസ്ഥാനത്തേക്ക് കടത്തിക്കൊണ്ടുവരുന്നവരാണ് ഇവർ.