രണ്ട് കിലോ കഞ്ചാവുമായി യുവാവ് പിടിയിൽ

കിഴക്കമ്പലം : രണ്ട് കിലോ കഞ്ചാവുമായി യുവാവ് അറസ്റ്റിൽ. പുക്കാട്ടുപടി പള്ളിക്കുറ്റി ഭാഗത്ത് വാടകയ്ക്ക് താമസിക്കുന്ന ആലുവ നൊച്ചിമ പുള്ളലിക്കര ആയത്തുവീട്ടിൽ മുഹമ്മദ് ഫയിസി (34) നെയാണ് പോലീസ് പിടികൂടിയത്.

പോലീസിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് പ്രതി അറസ്റ്റിലായത്. പള്ളിക്കുറ്റി ഭാഗത്ത് സ്‌കൂട്ടറിൽ കഞ്ചാവ് വിൽപ്പനക്കെത്തിയതാണ് പ്രതി. പ്ലാസ്റ്റിക് പായ്ക്കറ്റുകളിലാക്കി സ്‌കൂട്ടറിന്റെ സീറ്റിനടിയിലാണ് സൂക്ഷിച്ചിരുന്നത്. സ്‌കൂട്ടറും പോലീസ് കസ്റ്റഡിയിലെടുത്തു.