ഓൺലൈൻ വഴി കോടികളുടെ തട്ടിപ്പ്; മുഖ്യപ്രതി പിടിയിൽ

തിരുവനന്തപുരം: ഓൺലൈൻ തട്ടിപ്പ് കേസിലെ മുഖ്യപ്രതി അറസ്റ്റിൽ. കംബോഡിയ കേന്ദ്രീകരിച്ച് തട്ടിപ്പ് നടത്തിയ മലപ്പുറം തിരൂരങ്ങാടി സ്വദേശി മനുവിനെ തിരുവനന്തപുരം സൈബർ ക്രൈം പോലീസാണ് അറസ്റ്റ് ചെയ്തത്. തിരുച്ചിറപ്പള്ളി വിമാനത്താവളത്തിൽ എത്തിയ പ്രതിയെ പോലീസ് അറസ്റ്റ് ചെയ്യുകയായിരുന്നു.

പ്രതിയായ മനുവിനെ കണ്ടെത്താൻ ലുക്ക് ഔട്ട് നോട്ടീസും ബ്ലൂ കോർണർ നോട്ടീസും പുറപ്പെടുവിച്ചിരുന്നു. ഓൺലൈൻ വഴി മനു കോടികളാണ് തട്ടിയെടുത്തത്. കംബോഡിയയിൽ കോൾ സെൻ്ററും സജ്ജമാക്കിയാണ് തട്ടിപ്പ് നടത്തിയത്. മനുവിനെ തിരുവനന്തപുരം എസിജിഎം കോടതിയിൽ ഹാജരാക്കും.