1.69 കിലോ കഞ്ചാവുമായി പിടിയിൽ

പാണ്ടനാട് : 1.69 കിലോഗ്രാം കഞ്ചാവുമായി യുവാവ് അറസ്റ്റിൽ. എണ്ണയ്ക്കാട് വില്ലേജിൽ എണ്ണയ്ക്കാട് മുറിയിൽ ചാത്തേലിൽ വീട്ടിൽ സാജൻ മാത്യു (31) ആണ് എക്സൈസ് സംഘത്തിന്റെ പിടിയിലായത്. പാണ്ടനാട് കളത്തറ ജങ്ഷനുസമീപം വാഹനപരിശോധന നടത്തുന്നതിനിടെയാണ് കാറിൽനിന്ന് കഞ്ചാവു പിടികൂടിയത്.

പുതുവത്സരാഘോഷത്തിന് ചെറുകിട കച്ചവടക്കാർക്കു നൽകാനാണ് കഞ്ചാവ് എത്തിച്ചതെന്ന് എക്സൈസ് പറഞ്ഞു. ഇയാൾ മുൻപും കഞ്ചാവ് കേസിൽ പ്രതിയാണ്.