ബൈക്കിൽ സഞ്ചരിച്ച് മദ്യംവിറ്റയാൾ അറസ്റ്റിൽ

കോട്ടയം : കോട്ടയം നഗരത്തിൽ മദ്യവില്പന നടത്തിയ ആൾ പിടിയിൽ. മണർകാട് സ്വദേശി എം.ടി.മോനായിയെയാണ് എക്സൈസ് അറസ്റ്റ് ചെയ്‌തത്‌. ഫോൺകോളുകൾ വഴി ആവശ്യക്കാരെ കണ്ടെത്തിയായിരുന്നു വില്പന.

പ്രതിയിൽ നിന്ന് ഏഴുലിറ്റർ മദ്യം പിടിച്ചെടുത്തു. പുതുവർഷപ്പിറവിയോടനുബന്ധിച്ച് ആവശ്യക്കാരന് ഫോൺ മുഖേന മദ്യം നൽകാമെന്ന് ഉറപ്പ് നൽകിയശേഷം മദ്യവുമായി ഇയാളെത്തിയത് എക്സൈസുകാരുടെ അടുത്തേക്കായിരുന്നു. എക്സൈസ് സംഘത്തെ തിരിച്ചറിഞ്ഞ് ഓടി രക്ഷപ്പെടാൻ ശ്രമിച്ചെങ്കിലും കീഴടക്കി. കോടതിയിൽ ഹാജരാക്കിയ പ്രതിയെ റിമാൻഡുചെയ്തു.