എം.ഡി.എം.എ.യുമായി നഴ്‌സിങ് വിദ്യാർഥികൾ അറസ്റ്റിൽ

ശാസ്താംകോട്ട : എം.ഡി.എം.എ.യുമായി രണ്ട് നഴ്‌സിങ് വിദ്യാർഥികൾ അറസ്റ്റിൽ. ഇവരിൽ നിന്ന് 4.72 ഗ്രാം എം.ഡി.എം.എ. പോലീസ് പിടികൂടി. ബെംഗളൂരുവിലെ നഴ്‌സിങ് കോളേജ് വിദ്യാർഥികളായ മൈനാഗപ്പള്ളി കടപ്പാ ശിവശൈലത്തിൽ അശ്വിൻ (21), സുഹൃത്ത്‌ നിലമ്പൂർ വിളയിൽവീട്ടിൽ അർജുൻ (22) എന്നിവരാണ് ശാസ്താംകോട്ട പോലീസിന്റെ പിടിയിലായത്. ഡിവൈ.എസ്.പി.ക്ക് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് പ്രതികളെ അറസ്റ്റ് ചെയ്‌തത്‌.

കഴിഞ്ഞദിവസം സന്ധ്യയോടെ ഇരുവരും മൈനാഗപ്പള്ളിയിൽ ബസിറങ്ങി അശ്വിന്റെ വീട്ടിലേക്ക് നടക്കുന്നതിനിടെ തന്ത്രപരമായി പിടികൂടുകയായിരുന്നു. തുടർന്ന് സ്റ്റേഷനിലെത്തിച്ചു നടത്തിയ പരിശോധനയിലാണ് മയക്കുമരുന്ന് കണ്ടെത്തിയത്.