യു.പ്രതിഭയുടെ മകന്‍ കഞ്ചാവ് കൈവശം വെച്ചു ; എഫ്‌ഐആര്‍ പുറത്ത്

ആലപ്പുഴ : യു പ്രതിഭ എംഎല്‍എയുടെ മകന്‍ കനിവിന് എതിരെ കേസെടുത്തത് കഞ്ചാവ് കൈവശം വെച്ചതിത്. കേസുമായി ബന്ധപ്പെട്ട എഫ്‌ഐആറിന്റെ പകര്‍പ്പ് പുറത്ത്. കേസില്‍ കനിവ് ഒന്‍പതാം പ്രതിയാണ്.

സംഘത്തില്‍ നിന്ന് പിടിച്ചെടുത്തത് 3 ഗ്രാം കഞ്ചാവ്, കഞ്ചാവ് കലര്‍ന്ന പുകയില മിശ്രിതം, പള്ള ഭാഗത്ത് ദ്വാരമുള്ള പ്ലാസ്റ്റിക് കുപ്പി, പച്ച പപ്പായ തണ്ട് എന്നിവയെന്നും എഫ്‌ഐആറിൽ പറയുന്നു.

അതെ സമയം, മകനെതിരെ ഉള്ളത് വ്യാജ വാര്‍ത്തയാണെന്ന വിശദീകരണവുമായി ഫേസ്ബുക്ക് ലൈവിലൂടെ യു പ്രതിഭ എംഎല്‍എ രംഗത്ത് എത്തിയിരുന്നു. മാധ്യമങ്ങള്‍ കള്ളവാര്‍ത്ത നല്‍കിയെന്നും നിയമനടപടി സ്വീകരിക്കുമെന്നുമായിരുന്നു എംഎല്‍എയുടെ വാദം.