തൃശൂരിലെ കേക്ക് വിവാദം അടഞ്ഞ അദ്ധ്യായമെന്ന് സിപിഐ

തൃശൂർ : തൃശൂരിലെ കേക്ക് വിവാദം അടഞ്ഞ അദ്ധ്യായമെന്ന് സിപിഐ.തൃശൂർ മേയർ എം കെ വർഗീസിന് ബിജെപി സംസ്ഥാന പ്രസിഡന്റ് കെ സുരേന്ദ്രൻ കേക്ക് നൽകിയതുമായി ബന്ധപ്പെട്ട് വി എസ് സുനിൽകുമാർ നടത്തിയ പ്രസ്താവനയും തുടർന്നുണ്ടായ വിവാദവും ഇനി തുടർന്നുകൊണ്ട് പോകേണ്ടതില്ലെന്നാണ് സിപിഐയുടെ നിലപാട്.

മുന്നണിയിൽ ഭിന്നത ഉണ്ടാക്കാനുള്ള എല്‍ ഡി എഫ് വിരുദ്ധരുടെ കെണിയില്‍ വീഴരുത്. രാഷ്ട്രീയ പക്വതയോടെ ഈ വിവാദങ്ങള്‍ അവസാനിപ്പിക്കണമെന്നും സിപിഐ ജില്ലാ സെക്രട്ടറി കെ കെ വത്സരാജ് ആവശ്യപ്പെട്ടു.