റേഡിയോ ജോക്കി സിമ്രാന്‍ സിങ്ങ് മരിച്ച നിലയില്‍

ന്യൂഡൽഹി: റേഡിയോ ജോക്കിയും സോഷ്യൽ മീഡിയ ഇൻഫ്ളുവൻസറുമായ സിമ്രാൻ സിങ്ങിനെ താമസസ്ഥലത്ത് മരിച്ചനിലയിൽ കണ്ടെത്തി. ഗുരുഗ്രാമിലെ അപ്പാർട്ട്മെന്റ്റിലാണ് ആത്മഹത്യ ചെയ്ത നിലയിൽ കണ്ടത്. ആത്മഹത്യായാണെന്ന് സംശയിക്കുന്നതായി പോലീസ് വ്യക്തമാക്കി.

ജമ്മു കശ്മീരിൽനിന്നുള്ള, ആർ.ജെ. സിമ്രാൻ എന്ന പേരിൽ അറിയപ്പെടുന്ന ഇരുപത്തഞ്ചുകാരിക്ക് ഇൻസ്റ്റഗ്രാമിൽ ഏഴ് ലക്ഷത്തോളം ഫോളോവേഴ്സുണ്ട്.ഇൻസ്റ്റഗ്രാമിൽ ഡിസംബർ 13-നാണ് അവസാനമായി പോസ്റ്റ് ചെയ്‌തത്. ഗുരുഗ്രാമിലെ അപ്പാർട്ട്മെന്റിൽ ഒപ്പം താമസിച്ച സുഹൃത്താണ് പോലീസിനെ വിളിച്ചറിയിച്ചത്. ഉടൻ ആശുപത്രിയിലെത്തിച്ചെങ്കിലും മരിച്ചിരുന്നു. സ്ഥലത്തുനിന്ന് ആത്മഹത്യാക്കുറിപ്പോ കുടുംബത്തിന്റെ പരാതിയോ ലഭിച്ചില്ലെന്ന് പോലീസ് അറിയിച്ചു.