കൈ നീട്ടി ആകാശത്തെത്തുന്നവര്‍ക്ക് ഐക്യദാര്‍ഢ്യം; ചിത്രം പങ്കിട്ട് രമേശ് പിഷാരടി

സിനിമ ലോകത്തെ വീണ്ടും ചിരിയിലാഴ്ത്തി ഷെയ്ക്ക് ഹാന്‍ഡ് ട്രെൻഡ്. ഇത്തവണ രമേശ് പിഷാരടി ആണ് ട്രെൻഡിന്റെ ഭാഗമായിരിക്കുന്നത്.

‘ഷെയ്ക്ക് ഹാന്‍ഡ്’ യൂണിവേഴ്‌സില്‍ താനും അംഗമാണെന്ന് പ്രഖ്യാപിച്ച് രമേഷ് പിഷാരടിയും രംഗത്തു വന്നിരിക്കുകയാണ്. വര്‍ഷങ്ങള്‍ക്കു മുന്‍പ് ഒരു വേദിയിൽ തനിക്കു സംഭവിച്ച അബദ്ധത്തിന്റെ ചിത്രമാണ് പിഷാരടി ഷെയർ ചെയ്തത്. മമ്മൂട്ടിക്കും മോഹന്‍ലാലിനും ഒപ്പം നില്‍ക്കുമ്പോള്‍ സമാനമായ ചമ്മൽ നേരിട്ട, അധികമാരും ശ്രദ്ധിക്കാതെ പോയ ആ ഷെയ്ക്ക് ഹാന്‍ഡ് മിസ്സ് മൊമന്റ് പങ്കിട്ടിരിക്കുകയാണ് പിഷാരടി.

കൈ നീട്ടി ആകാശത്തെത്തുന്നവര്‍ക്ക് ഐക്യദാര്‍ഢ്യം’ എന്ന അടിക്കുറിപ്പോടെയാണ് പിഷാരടി ചിത്രം ഷെയർ ചെയ്തത്. തനിക്കു മുൻപെ, കൈ നീട്ടി ചമ്മിപ്പോയ അക്ഷയ് കുമാര്‍, ബേസില്‍ ജോസഫ്, ടൊവിനോ തോമസ്, സുരാജ് വെഞ്ഞാറമൂട്, രമ്യ നമ്പീശൻ, മമ്മൂട്ടി എന്നിവരെയും പോസ്റ്റില്‍ പിഷാരടി മെൻഷൻ ചെയ്തിട്ടുണ്ട്.