രോ​ഗിയുമായി വന്ന ആംബുലൻസ് കടയിലേക്ക് ഇടിച്ചുകയറി

പാലക്കാട്: രോ​ഗിയുമായി വന്ന ആംബുലൻസ് കടയിലേക്ക് ഇടിച്ചുകയറി അപകടം. ഇന്ന് ഉച്ചയ്ക്ക് 2.30ന് പാലക്കാട്-കോഴിക്കോട് ദേശീയപാതയിലാണ് ആംബുലൻസ് നിയന്ത്രണം വിട്ട് കടയിലേക്ക് പാഞ്ഞുകയറിയത്.

പയ്യനടത്ത് നിന്നും മണ്ണാ൪ക്കാട്ടെ സ്വകാര്യ ആശുപത്രിയിലേക്ക് പോവുകയായിരുന്നു ആംബുലൻസ്. ദേശീയപാതയിൽ കല്ലടി എംഇഎസ് കോളജിന് സമീപമായിരുന്നു അപകടം. ആംബുലൻസ് കടയ്ക്ക് മുന്നിലെ തിട്ടയിൽ ഇടിച്ചാണ് നിന്നത്. രോഗിയെ മറ്റൊരു ആംബുലൻസിൽ ആശുപത്രിയിലേക്ക് മാറ്റി. അപകടത്തിൽ ആ൪ക്കും പരിക്കില്ല.