ആകര്‍ഷകമായ വര്‍ഷാവസാന ഓഫറുകൾ; വാഹന പ്രേമികൾക്ക് മികച്ച ഡീലുകളുമായി മഹീന്ദ്ര!

ഡിസംബറില്‍ എസ്യുവി ലൈനപ്പിലുടനീളം സ്റ്റോക്കുകള്‍ ക്ലിയര്‍ ചെയ്യുന്നതിന്റെ ഭാഗമായി ആകര്‍ഷകമായ വര്‍ഷാവസാന ഓഫറുകളുമായി മഹീന്ദ്ര ആന്‍ഡ് മഹീന്ദ്ര. 2024 ന്റെ അവസാനത്തിൽ അവതരിപ്പിച്ച ഈ ആനുകൂല്യങ്ങളില്‍ ക്യാഷ് ഡിസ്‌കൗണ്ടുകള്‍, എക്സ്ചേഞ്ച് ബോണസുകള്‍, അധിക ആക്സസറി പാക്കേജുകള്‍ എന്നിവ ഉള്‍പ്പെടുന്നു.

അടുത്ത വര്‍ഷം ആരംഭിക്കുന്നതിന് മുമ്പ് മൂന്ന് ഡോര്‍ ഥാറിന്റെ 2024 മോഡലുകള്‍ വിറ്റൊഴിവാക്കാനുള്ള നീക്കത്തിലാണ് കമ്പനി എന്നാണ് റിപ്പോര്‍ട്ടുകള്‍. ജൂണിനും നവംബറിനുമിടയില്‍ മൊത്തവ്യാപാര തലത്തില്‍ പ്രതിമാസ വില്‍പ്പന ശരാശരി 6,500 യൂണിറ്റുകളുള്ള രണ്ടാം തലമുറ ഥാര്‍ തികച്ചും ജനപ്രിയമായ ഒരു മോഡലാണ്.
ഈ ലൈഫ്സ്‌റ്റൈല്‍ ഓഫ്-റോഡര്‍ മൂന്ന് എഞ്ചിന്‍ ഓപ്ഷനുകളില്‍ എത്തുന്നു. 152 എച്ച്പി, 2.0 ലിറ്റര്‍ ടര്‍ബോ-പെട്രോള്‍, 132 എച്ച്പി, 2.2 ലിറ്റര്‍ ഡീസല്‍, 119 എച്ച്പി, 1.5 ലിറ്റര്‍ ഡീസല്‍ എന്നിവ. ആദ്യത്തെ രണ്ടെണ്ണം മാനുവല്‍ അല്ലെങ്കില്‍ ഓട്ടോമാറ്റിക് ഗിയര്‍ബോക്സും ഓപ്ഷണല്‍ 4×4 സാങ്കേതികവിദ്യയുമായി ജോടിയാക്കിയിരിക്കുന്നു. 1.5 ലിറ്റര്‍ ഡീസല്‍ യൂണിറ്റ് മാനുവല്‍ ട്രാന്‍സ്മിഷനില്‍ മാത്രമാണ് വരുന്നത്.

3-ഡോര്‍ ഥാറിന്റെ 4WD വേരിയന്റുകളില്‍, പ്രത്യേകിച്ച് താര്‍ എര്‍ത്ത് എഡിഷന്റെ മൊത്തം കിഴിവുകളും ആനുകൂല്യങ്ങളും 3.06 ലക്ഷം രൂപയാണ്. ഈ വര്‍ഷം ഫെബ്രുവരിയില്‍ ലോഞ്ച് ചെയ്ത എര്‍ത്ത് എഡിഷന് സവിശേഷമായ മാറ്റ് ഷേഡ് ഉണ്ട്, മഹീന്ദ്ര ‘ഡെസേര്‍ട്ട് ഫ്യൂറി’ എന്ന് വിളിക്കുന്നു, ഒപ്പം ബി-പില്ലറുകളിലും പിന്‍ ഫെന്‍ഡറുകളിലും പ്രത്യേക ‘എര്‍ത്ത് എഡിഷന്‍’ ബാഡ്ജുകളും ഉണ്ട്. ഇതില്‍ ഇന്റീരിയറിന് സമാനമായ വര്‍ണ്ണ സ്‌കീം ലഭിക്കുന്നു.ലെതറെറ്റ് അപ്‌ഹോള്‍സ്റ്ററി ബീജ്, കറുപ്പ് എന്നിവയുടെ ഡ്യുവല്‍ ടോണ്‍ ഷേഡുകളില്‍ പൂര്‍ത്തിയാക്കിയിരിക്കുന്നു.
ഉയര്‍ന്ന സ്പെക്ക് എല്‍എക്സ് ഹാര്‍ഡ്ടോപ്പ് വേരിയന്റിനെ അടിസ്ഥാനമാക്കിയുള്ളതാണ് എര്‍ത്ത് എഡിഷന്‍. 15.40 ലക്ഷം മുതല്‍ 17.60 ലക്ഷം രൂപ വരെയാണ് ഈ പതിപ്പിന്റെ വില. അതേസമയം 14.30 ലക്ഷം മുതല്‍ 17.20 ലക്ഷം രൂപ വരെ വിലയുള്ള സ്റ്റാന്‍ഡേര്‍ഡ് ഥാര്‍ 4WD ശ്രേണിയില്‍ വാങ്ങുന്നവര്‍ക്ക് 1.06 ലക്ഷം രൂപ വരെ കിഴിവ് ലഭിക്കും. മഹീന്ദ്ര ഥാര്‍ 3-ഡോറിന്റെ പെട്രോളില്‍ പ്രവര്‍ത്തിക്കുന്ന 2WD പതിപ്പുകള്‍ക്ക് ഡിസംബറില്‍ 1.31 ലക്ഷം രൂപ വരെ വമ്പിച്ച കിഴിവുകള്‍ ലഭിക്കുന്നു. അതേസമയം, ഡീസല്‍ 2WD പതിപ്പുകളില്‍ വാഗ്ദാനം ചെയ്യുന്ന ആനുകൂല്യങ്ങള്‍ 56,000 രൂപയാണ്. നിലവില്‍ 11.35 ലക്ഷം മുതല്‍ 14.10 ലക്ഷം വരെയാണ് ഥാര്‍ 2ഡബ്ല്യുഡി ശ്രേണിയുടെ വില.

ശ്രദ്ധിക്കുക, വ്യത്യസ്ത പ്ലാറ്റ്ഫോമുകളുടെ സഹായത്തോടെ കാറുകളില്‍ ലഭ്യമായ കിഴിവുകളാണ് മുകളില്‍ വിശദീകരിച്ചിരിക്കുന്നത്. മേല്‍പ്പറഞ്ഞിരിക്കുന്ന കിഴിവുകള്‍ രാജ്യത്തെ വിവിധ സംസ്ഥാനങ്ങള്‍ക്കും വിവിധ ഭൂപ്രദേശങ്ങള്‍ക്കും ഓരോ നഗരത്തിനും ഡീലര്‍ഷിപ്പുകള്‍ക്കും സ്റ്റോക്കിനും നിറത്തിനും വേരിയന്റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തില്‍, ഒരു കാര്‍ വാങ്ങുന്നതിന് മുമ്പ്, കൃത്യമായ കിഴിവ് കണക്കുകള്‍ക്കും മറ്റ് വിവരങ്ങള്‍ക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.