ഡല്‍ഹി പ്രശാന്ത് വിഹാറില്‍ സ്‌ഫോടനം

ഡല്‍ഹി:ഡല്‍ഹി പ്രശാന്ത് വിഹാറില്‍ സ്‌ഫോടനം. ഇന്ന് രാവിലെയാണ് സംഭവം നടന്നത്. സ്‌ഫോടന ഭീഷണി സന്ദേശം 11.48ന് ലഭിച്ചതിന് തൊട്ടുപിന്നാലെയാണ് സ്‌ഫോടനം ഉണ്ടായത്. ഡല്‍ഹി പോലീസ് സ്‌പെഷ്യല്‍ സെല്‍, ഫയര്‍ ഫോഴ്‌സ് എന്നിവര്‍ സ്ഥലത്തെത്തി.

പ്രശാന്ത് വിഹാറിലെ പാര്‍ക്കിന് സമീപമുള്ള അതിര്‍ത്തി മതിലിനോട് അടുത്താണ് സ്‌ഫോടനമുണ്ടായത്. എന്താണ് പൊട്ടിത്തെറിച്ചതെന്ന് വ്യക്തമല്ല.

സംഭവ സ്ഥലത്ത് നിന്ന് വെള്ള നിറത്തിലുള്ള പൊടിക്ക് സമാനമായ വസ്തു ഉദ്യോഗസ്ഥർ കണ്ടെത്തി.സ്ഥലത്ത് ജാഗ്രത വർദ്ധിപ്പിച്ചു.സംഭവുമായി ബന്ധപ്പെട്ട അന്വേഷണം പുരോഗമിക്കുകയാണ്.