സെക്രട്ടറിയേറ്റിൽ ശുചിമുറിയിലെ ക്ലോസറ്റ് പൊട്ടിവീണ് ഉദ്യോഗസ്ഥയ്ക്ക് പരിക്ക്

തിരുവനന്തപുരം: സെക്രട്ടറിയേറ്റിൽ ശുചിമുറിയിലെ ക്ലോസറ്റ് പൊട്ടിവീണ് ഉദ്യോഗസ്ഥയ്ക്ക് പരിക്ക്.  തദ്ദേശ ഭരണവകുപ്പിലെ ഉദ്യോഗസ്ഥയ്ക്കാണ് പരിക്കേറ്റത്. സെക്രട്ടേറിയറ്റ് അനക്സിലെ ഒന്നാം നിലയിലെ ശുചിമുറിയിലായിരുന്നു അപകടം ഉണ്ടായത്.

പരിക്കേറ്റ ഉദ്യോഗസ്ഥയെ തിരുവനന്തപുരത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ഇവരുടെ കാലിന് ആഴത്തില്‍ മുറിവേറ്റു. ഓപ്പറേഷൻ വേണമെന്ന ഡോക്ടര്‍മാരുടെ നിര്‍ദേശത്തെ തുടര്‍ന്നാണ് സ്വകാര്യ ആശുപത്രിയിലേക്ക് മാറ്റിയത്.