മിനി ജോബ് ഡ്രൈവ് ; മുന്നൂറോളം ഒഴിവുകളിലേക്കാണ് അവസരം

ആലപ്പുഴ : മാവേലിക്കര ടൗണ്‍ എംപ്ലോയ്മെന്റ് എക്സ്ചേഞ്ചില്‍ പ്രവര്‍ത്തിക്കുന്ന മോഡല്‍ കരിയര്‍ സെന്ററിന്റെ ആഭിമുഖ്യത്തില്‍ നടക്കുന്ന മിനി ജോബ് ഡ്രൈവ് നവംബര്‍ 19 ന് മാവേലിക്കര ഗവ. ബോയ്സ് ഹൈസ്‌കൂള്‍ പരിസരത്ത് പ്രവര്‍ത്തിക്കുന്ന ഐഎച്ച്ആര്‍ഡി കോളേജില്‍ നടക്കും.

സ്വകാര്യ സ്ഥാപനങ്ങളിലെ മുന്നൂറോളം ഒഴിവുകളിലേക്കാണ് അവസരം. പ്ലസ്ടു, ഡിഗ്രി യോഗ്യതയുള്ള 20 നും 45 നും ഇടയില്‍ പ്രായമുള്ളവര്‍ക്ക് പങ്കെടുക്കാം.

രാവിലെ 9.30 ന് റിപ്പോര്‍ട്ട് ചെയ്യണം. കൂടുതല്‍ വിവരങ്ങള്‍ക്ക് ഫോണ്‍: 0479-2344301, 9526065246.