മുനമ്പം പ്രശ്നത്തിൽ ശാശ്വതമായ പരിഹാരം കാണണം ; പി ജെ കുര്യൻ

റാന്നി :മുനമ്പം പ്രശ്നത്തിൽ അവിടെ താമസിക്കുന്ന ജനങ്ങൾക്ക് ശാശ്വതമായ പരിഹാരം ഉണ്ടാക്കണമെന്ന് രാജ്യസഭയുടെ മുൻ ഉപാദ്ധ്യക്ഷൻ പ്രൊഫസർ പി ജെ കുര്യൻ ആവശ്യപ്പെട്ടു. വേൾഡ് ലിറ്ററേച്ചർ ഫോറത്തിന്റെ നേതൃത്വത്തിൽ റാന്നിയിൽ സംഘടിപ്പിച്ച സെമിനാർ ഉദ്ഘാടനം ചെയ്തു.

കേരളം എല്ലാ ജാതിമതസ്ഥരും സൗഹൃദമായി കഴിയുന്ന നാടാണ്. വർഷങ്ങളായി നാലും അഞ്ചും തലമുറകളായി ജീവിക്കുന്നവർക്ക് അവരുടെ ഭൂമിയിൽ താമസിക്കാവാനുള്ള അവകാശമുണ്ട്. അത് ആർക്കും നിഷേധിക്കുവാൻ സാധിക്കില്ല. നിയമത്തിന്റെ ഏത് പേരിലായാലും അവിടെ തലമുറകളായി താമസിപ്പിക്കുന്നവർക്ക് തന്നെയായിരിക്കും അവരുടെ ഭൂമിയുടെ അവകാശം.

ഇക്കാര്യത്തിൽ ഗവൺമെൻ്റ് ഇടപെട്ട് ശാശ്വതമായ പരിഹാരം കണ്ടെത്തണമെന്ന് പി ജെ കുരൻ ആവശ്യപ്പെട്ടു. സെമിനാറിൽ പാസ്റ്റർ തോമസ്കുട്ടി പുന്നൂസ് അധ്യക്ഷത വഹിച്ചു. എത്രയും വേഗം മുനമ്പം നിവാസികൾക്ക് ഐക്യദാഢ്യം പ്രഖ്യാപിച്ചു കൊണ്ടുള്ള പ്രമേയം റെജി താഴമൺ അവതരിപ്പിച്ചു.

തോമസ് മാമ്മൻ പുത്തൻപുരയ്ക്കൽ, സാംകുട്ടി പാലയ്ക്കാ മണ്ണിൽ, സാംസൺ മുക്കർണ്ണർത്ത്, ഷാജി തേക്കാട്ടിൽ ,വെസ്ളി തെങ്ങുംകാലായിൽ തുടങ്ങിയവർ പ്രസംഗിച്ചു.