തിരുവനന്തപുരത്ത് മദ്യലഹരിയിൽ അയൽവാസിയെ വെട്ടിക്കൊന്നു

തിരുവനന്തപുരം: കാരേറ്റ് മദ്യലഹരിയിൽ അയൽവാസിയെ വെട്ടിക്കൊന്നു. പേടികുളം ഇലങ്കത്തറയിൽ ബാബുരാജ്(64) ആണ് കൊല്ലപ്പെട്ടത്. പ്രതി സുനിൽകുമാറിനെ കി​ളി​മാ​നൂ​ർ പോ​ലീ​സ് അറസ്റ്റ് ചെയ്‌തു.

വെള്ളിയാഴ്ച രാത്രി 7.30 ഓടെയാണ് ബാബുരാജിന്റെ വീടിന് സമീപമെത്തിയ സുനിൽകുമാർ പ്രശ്നമുണ്ടാക്കിയത്. വാക്കുതർക്കത്തെ തുടർന്ന് കൈവശമുണ്ടായിരുന്ന കത്തി ഉപയോ​ഗിച്ച് ബാബുരാജിനെ വെട്ടിക്കൊലപ്പെടുത്തുകയുമായിരുന്നു.

കഴുത്തിൽ ആഴത്തിൽ മുറിവേറ്റ ബാബുരാജിനെ ഉടനെ നാട്ടുകാർ ചേർന്ന് മെഡിക്കൽ കോളേജ് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.പ്രവാസിയായിരുന്ന സുനിൽകുമാർ തിരികെ നാട്ടിലെത്തിയതിന് ശേഷം മദ്യപിച്ച് സ്ഥിരം പ്രശ്നമുണ്ടാക്കിയിരുന്നതായി നാട്ടുകാർ ആരോപിച്ചു.