പാലക്കാട് കോൺഗ്രസും ബി.ജെ.പിയും തമ്മിലാണ് മത്സരം -വി.ഡി.സതീശൻ

പാലക്കാട്: പാലക്കാട് ഉപതെരഞ്ഞെടുപ്പിൽ മത്സരം കോൺഗ്രസും ബി.ജെ.പിയും തമ്മിലാണെന്ന് പ്രതിപക്ഷ നേതാവ് വി.ഡി.സതീശൻ. ഉപതെരഞ്ഞെടുപ്പ് ഫലത്തിന്റെ ഉത്തരവാദിത്തം 100 ശതമാനം ഏറ്റെടുക്കും. ‘വിജയം എന്റേതു മാത്രമല്ല, കൂട്ടായ്മയുടെ വിജയമാണ്. അത്ര ഫലപ്രദമായാണ് മുഴുവൻ നേതാക്കളും പണിയെടുക്കുന്നത്. എന്തെങ്കിലും ക്ഷീണം വന്നാൽ അതിൻ്റെ പൂർണ ഉത്തരവാദിത്തം എനിക്ക് മാത്രമായിരിക്കും’ സതീശൻ പറഞ്ഞു. രണ്ടാം സ്ഥാനംപോലും വേണ്ടെന്ന് സ്ഥാനാർഥിയെ നിർത്തിയതോടെ സി.പി.എം തീരുമാനിച്ചതായും അദ്ദേഹം പറഞ്ഞു. ആളുകളെ തപ്പിതപ്പിനടന്ന് ഓരോ പാർട്ടിയിൽ നിന്നും അടർത്തിയെടുത്ത് ആളെ കൂട്ടുന്ന പാർട്ടിയല്ല കോൺഗ്രസ്. സന്ദീപ് വാര്യർ വരുമ്പോൾ അതേക്കുറിച്ച് ആലോചിക്കാമെന്നും സതീശൻ പറഞ്ഞു.

കോൺഗ്രസിനെ പിന്നിൽ നിന്ന് കുത്തിയ ആളാണ് ബി.ജെ.പി നേതാവ്പദ്‌മജ. അവരുടെ ആരോപണങ്ങളെ തള്ളിക്കളയുന്നു. കോൺഗ്രസിൽനിന്ന് എല്ലാ സൗഭാഗ്യങ്ങളും നേടിയശേഷം ബി.ജെ.പിയിലേക്ക് പോയതാണ് അവർ. കെ. മുരളീധരൻ കോൺഗ്രസിൻ്റെ മുതിർന്ന നേതാവാണെന്നും അദ്ദേഹം പറഞ്ഞു.