ബൈക്ക് മതിലിലേക്ക് ഇടിച്ചുകയറി മധ്യവയസ്കന് ദാരുണാന്ത്യം

കോട്ടയം: എം.സി. റോഡിൽ പള്ളത്ത് നിയന്ത്രണം നഷ്‌ടപ്പെട്ട ബൈക്ക് മതിലിലേക്ക് ഇടിച്ചുകയറി മധ്യവയസ്ക‌നു ദാരുണാന്ത്യം. പള്ളം കെ.എസ്.ഇബി ചാർജിങ് സ്റ്റേഷനു സമീപം നടന്ന അപകടത്തിൽ തിരുവനന്തപുരം കിളിമാനൂർ പുതിയകാവ് ഗവ. ഹൈസ്‌കൂളിനു സമീപം ഹസൻ മൻസിലിൽ മുഹമ്മദ് അസ്ലം (52) ആണ് മരിച്ചത്.ചിങ്ങവനം ഭാഗത്തേയ്ക്ക് വരികയായിരുന്ന ബുള്ളറ്റ് ബൈക്ക് നിയന്ത്രണം നഷ്ട്‌ടമായി മതിലിൽ ഇടിയ്ക്കുകയായിരുന്നു. ഇടിയുടെ ആഘാതത്തിൽ ബൈക്ക് യാത്രക്കാരൻ റോഡിൽ തലയിടിച്ചു വീണു. തല്ക്ഷണം മരണം സംഭവിച്ചതായി നാട്ടുകാർ പറഞ്ഞു.ചിങ്ങവനം സ്റ്റേഷനിൽ നിന്നുള്ള പോലീസ് കൺട്രോൾറൂം വാഹനം സ്ഥലത്ത് എത്തിയാണ് മൃതദേഹം മാറ്റിയത്. മൃതദേഹം കോട്ടയം ജില്ലാ ജനറൽ ആശുപത്രി മോർച്ചറിയിൽ.