ജെ.സി.ബിയിൽ തല കുടുങ്ങി ഗൃഹനാഥന് ദാരുണാന്ത്യം

പാലാ: പാലാ കരൂർ പയപ്പാർ കണ്ടത്തിൽ വീട്ടിൽ പോൾ ജോസഫാണു ദാരുണമായി മരിച്ചത്. വ്യാഴാഴ്ച രാവിലെയായിരുന്നു അപകടം. വീടു നിർമാണത്തിന്റെ ഭാഗമായി പോൾ ജോസഫിന്റെ വീട്ടിൽ ജെ.സി.ബി എത്തിച്ചിരുന്നു.ഇതിനിടെ ജെ.സി.ബി പ്രവർത്തിപ്പിച്ചിരുന്ന ഓപ്പറേറ്റർ പുറത്തേയ്ക്കു പോയ സമയത്ത് പോൾ ജോസഫ് ജെ.സി.ബി സ്വയം പ്രവർത്തിപ്പിക്കാൻ ശ്രമിക്കുകയായിരുന്നു. ഇതിനിടെ ഇദ്ദേഹത്തിന്റെ തല പിന്നിലേക്ക് തിരിയുന്നതിനിടെ ജെ.സി.ബിയ്ക്കിടയിൽ കുടുങ്ങി അപകടമുണ്ടായതായാണ് പോലീസ് പറയുന്നത്.സമീപത്തുണ്ടായ ബന്ധുക്കളും നാട്ടുകാരും ചേർന്നു രക്ഷാപ്രവർത്തനം നടത്താൻ ശ്രമിച്ചെങ്കിലും പോൾ ജോസഫിൻ്റെ ജീവൻ നഷ്‌ടമാവുകായിരുന്നു. നട്ടുകാർ വിവരം അറിയിച്ചതിനെ തുടർന്ന് പോലീസ് സംഘം സ്ഥലത്ത് എത്തി മേൽനടപടികൾ സ്വീകരിച്ചു. മൃതദേഹം ജെ.സി.ബിയിൽ നിന്നും ആശുപത്രിയിലേക്കു മാറ്റി, പോസ്റ്റ്മോർട്ടത്തിനയക്കുന്നതിനുള്ള നടപടിൾ പുരോഗമിക്കുകയാണ്.