തെരുവുനായകളുടെ ആക്രമണത്തിൽ 12 ഓളം പേർക്ക് പരുക്ക്

കോഴിക്കോട്: ഞായറാഴ്‌ച രാത്രിയാണ് സംഭവം. ഉള്ളേരിയിൽ വിവിധയിടങ്ങളിലായുള്ള തെരുവുനായകളുടെ ആക്രമണത്തിൽ 12 പേർക്ക് പരുക്കേറ്റു. ബസ് കാത്തുനിൽക്കുന്ന വിദ്യാർഥികൾക്ക് നേരെ നായ ചാടിവീണെങ്കിലും കുട്ടികൾ ഓടി രക്ഷപ്പെടുകയായിരുന്നു. നായ്ക്കളുടെ കടിയേറ്റ് ഗുരുതരമായി പരുക്കേറ്റ മനാത്താനത്ത് മീത്തൽ സുജീഷിനെ കോഴിക്കോട് മെഡിക്കൽ കോളെജ് ആശുപത്രിയിൽ പ്രവേശിപ്പിച്ചു. മറ്റുള്ളവർ കൊയിലാണ്ടി താലൂക്ക് ആശുപത്രിയിൽ ചികിത്സ തേടി.പുതിയോട്ടിൽ മീത്തൽ ഭാസ്ക്കരരൻ, തേവർകണ്ടി സുന്ദരൻ എന്നിവരുടെ വീടുകളിൽ കെട്ടിയിട്ട നായ്ക്കളെയും തെരുവ് നായ്ക്കൾ കടിച്ചു.