എം.ഡി.എം.എ.യുമായി യുവാക്കൾ അറസ്റ്റിൽ

കരുനാഗപ്പള്ളി : എം.ഡി.എം.എ.യുമായി യുവാക്കളെ പോലീസ് അറസ്റ്റ് ചെയ്‌തു. പത്തനംതിട്ട കോന്നി മങ്ങാരം ഹലീന മൻസിലിൽ ആബിദ് (25), ആലുംകടവ് കാട്ടൂർ വീട്ടിൽ അജിംഷാ (30) എന്നിവരാണ് കരുനാഗപ്പള്ളി പോലീസിന്റെ പിടിയിലായത്.

കരുനാഗപ്പള്ളിയിലും പരിസരങ്ങളിലും സ്കൂൾ, കോളേജ് വിദ്യാർഥികൾക്കുംമറ്റും കേന്ദ്രികരിച്ച് പ്രതികൾ വിൽപന നടത്തിയിരുന്നു.ഇവരിൽ നിന്നും 10 ഗ്രാം എം.ഡി.എം.എ. കണ്ടെടുത്തതായി പോലീസ് അറിയിച്ചു.

ബെംഗളൂരുവിൽ നിന്ന്‌ കടത്തിക്കൊണ്ടുവന്ന ഉദ്ദേശം 50,000 രൂപ വിലവരുന്ന മയക്കുമരുന്നാണ് പിടിച്ചെടുത്തതെന്നും പോലീസ് പറഞ്ഞു. കരുനാഗപ്പള്ളി കെ.എസ്.ആർ .ടി.സി. ബസ് സ്റ്റാൻഡ് ഭാഗത്തുള്ള ഒരു സ്വകാര്യ ലോഡ്ജിൽ മുറിയെടുത്തായിരുന്നു പ്രതികളുടെ കച്ചവടം.മയക്കുമരുന്ന് കച്ചവടത്തിലൂടെ ആഡംബരജീവിതം നയിച്ചുവരികയായിരുന്നു പ്രതികൾ.