വനിതാ ഡോക്ടറെ വിവാഹവാഗ്ദാനം നൽകി പോലീസ് ഉദ്യോഗസ്ഥൻ പീഡിപ്പിച്ചെന്ന് പരാതി

തിരുവനന്തപുരം: കൊച്ചിയിലെ സ്വകാര്യ ആശുപത്രിയിലെ വനിതാ ഡോക്‌ടറെ പോലീസ് ഉദ്യോഗസ്ഥൻ പീഡിപ്പിച്ചതായി പരാതി. തൃശൂരിലെ ഇന്ത്യ റിസർവ് ബറ്റാലിയനിലെ പോലീസ് ഉദ്യോഗസ്ഥനെതിരെയാണ് യുവതി പരാതി നൽകിയിരിക്കുന്നത്. കഴിഞ്ഞ മാസമായിരുന്നു സംഭവം. വിവാഹവാഗ്ദാനം നൽകിയശേഷം തിരുവനന്തപുരത്തെ ലോഡ്‌ജിൽ വച്ചായിരുന്നു പീഡനം. ഒരു മാസത്തോളം ലോഡ്‌ജിൽ താമസിപ്പിച്ച് ഉദ്യോഗസ്ഥൻ പീഡിപ്പിച്ചെന്ന് യുവതി പറയുന്നു.സോഷ്യൽമീഡിയ വഴിയാണ് പോലീസുകാരനെ യുവതി പരിചയപ്പെടുന്നത്. അവിവാഹിതനാണെന്നാണ് ഇയാൾ പറഞ്ഞിരുന്നതെന്നും പിന്നീട് ഭാര്യയും കുട്ടികളുമുണ്ടെന്ന് അറിഞ്ഞെന്നും യുവതി പരാതിയിൽ പറയുന്നു. പോലീസിൻ്റെ അന്വേഷണത്തിൽ മറ്റൊരു സ്ത്രീയുമായും ഇയാൾക്ക് ബന്ധമുണ്ടെന്ന് കണ്ടെത്തി.