തിരുവനന്തപുരം – കണ്ണൂർ ജനശദാബ്ദി എക്സ്പ്രസിലെ എൽ.എച്ച്.ബി കോച്ചുകളിൽ നൽകിയത് മെമുവിൻ്റെ സീറ്റെന്നു യാത്രക്കാർ

കോട്ടയം: “പുറമേയ്ക്കു കണ്ടാൽ എൽ.എച്ച.ബി. കോച്ചുകിലേക്കു മാറിയ തിരുവനന്തപുരം – കണ്ണൂർ ജനശദാബ്ദി എക്‌സ്പ്രസ് ഉള്ളിലേക്കു കേറിയാൽ മെമു”. ജർമ്മൻ സാങ്കേതികവിദ്യ ഉപയോഗിച്ചു നിർമിച്ച എൽ.എച്ച്.ബി. കോച്ചിലേക്കു മാറിയ തിരുവനന്തപുരം – കണ്ണൂർ ജനശദാബ്ദി എക്സ്‌പ്രസിലെ യാത്രക്കാരന്റെ വാക്കുകളാണിത്.സാധാരണ മെമുവിൽ കണ്ടുവരുന്ന സീറ്റാണ് ആധുനിക നിലവാരത്തിൽ നിർമിച്ച കോച്ചുകളിൽ പിടിപ്പിച്ചിരിക്കുന്നതെന്നു യാത്രക്കാർ പറയുന്നു. തിരുവനന്തപുരത്തു നിന്നു യാത്ര ചെയ്തു കണ്ണൂരെത്തുമ്പോഴേയ്ക്കും ‘നടുവിൻ്റെ പണി’ തീരുമെന്നാണു യാത്രക്കാരുടെ പരാതി.