എം.ഡി.എം.എ.യുമായി യുവതി അടക്കം പിടിയിൽ

കൊല്ലം : എം.ഡി.എം.എ.യുമായി യുവതി അടക്കം പിടിയിൽ.അഞ്ചുപേരെയാണ് കൊട്ടിയം പോലീസ് അറസ്റ്റ് ചെയ്‌തത്‌.നഗരത്തിലെ വിവിധ പ്രദേശങ്ങളിൽ വിൽപ്പനയ്ക്കായി എത്തിച്ച 4.37 ഗ്രാം എം.ഡി.എം.എ.യാണ് പോലീസ് സംഘം പിടികൂടിയത്.

കിഴവൂർ, ഫൈസൽ വില്ലയിൽ ഫൈസൽ (29), കരീപ്ര, കുഴിമതിക്കാട്, മാവിള വീട്ടിൽ വിപിൻ (32), കണ്ണൂർ, ചെമ്പിലോട് ആരതിയിൽ ആരതി (30), കിളികൊല്ലൂർ, പ്രഗതി നഗർ-51, മുന്നാസിൽ ബിലാൽ (35), കല്ലുവാതുക്കൽ, പാമ്പുറം, എസ്.എസ്. ഭവനിൽ സുമേഷ് (26) എന്നിവരാണ് പോലീസ് പിടിയിലായത്.

പോലീസ് സംഘം നടത്തിയ പരിശോധനയിൽ ഒന്നാംപ്രതിയുടെ വീട്ടിൽ നിന്നു എം.ഡി.എം.എ. കണ്ടെടുത്തത്. രണ്ട് ഗ്രാം കഞ്ചാവും ഇവരിൽ നിന്നു കണ്ടെടുത്തിട്ടുണ്ട്..