മുക്കുപണ്ടം പണയം വച്ച് പണം തട്ടി ; പ്രതി അറസ്റ്റിൽ

കോട്ടക്കൽ: മുക്കുപണ്ടം പണയം വച്ച് ബാങ്കിൽ നിന്നും പണം തട്ടിയ പ്രതി അറസ്റ്റിൽ.ഇന്ത്യനൂർ മൈലാടി കാങ്കടക്കടവൻ ഫർഹാൻ ഫായിസിനെ(26) കോട്ടക്കൽ പൊലീസ് അറസ്റ്റ് ചെയ്‌തത്‌.

ഇന്ത്യനൂരിൽ പ്രവർത്തിക്കുന്ന തിരൂർ സഹകരണ കാർഷിക ഗ്രാമ വികസന ബാങ്കിന്റെ കോട്ടക്കൽ സബ് ഓഫീസ് ബാങ്കിലായിരുന്നു സംഭവം. 24.8 ഗ്രാം മുക്കുപണ്ടം വച്ച് 1,​35,​000 രൂപയും 30.9 ഗ്രാം മുക്കുപണ്ടം വച്ച് 1,​70,​000 രൂപയുമാണ് തട്ടിയെടുത്തത്. എറണാകുളം കേന്ദ്രീകരിച്ച് വലിയ തട്ടിപ്പ് സംഘം ആസൂത്രണത്തിന് പിന്നിലുണ്ടെന്ന് പോലീസ് സംശയിക്കുന്നു.