1.2 കിലാ കഞ്ചാവുമായി അസം സ്വദേശി അറസ്റ്റിൽ

കോട്ടയം: അസമിലെ നാഗോൺ കാമപുർ പരിധിയിൽ താമസികതാമസിക്കുന്ന ഉമർ ഫാറൂഖിയെയാണ് എക്സൈസ് സംഘം പിടികൂടിയത്. 1.2 കിലാ കഞ്ചാവ് നഗരത്തിൽ വിൽപ്പനയ്ക്ക് എത്തിച്ച അസം സ്വദേശിയെയാണ് എക്സൈസ് അറസ്റ്റ് ചെയ്തത്.വ്യാഴാഴ്ച രാത്രി എട്ടുമണിയോടുകൂടി കോട്ടയം കെ.എസ്.ആർ.ടി.സി ബസ്റ്റാൻഡ് ഭാഗത്തായിരുന്നു സംഭവം. എക്സൈസ് ഇൻസ്പെക്ടർ ഫിലിപ്പ് തോമസ് ,കോട്ടയം എക്‌സൈസ് ഇന്റലിജൻസ് ആൻഡ് ഇൻവെസ്റ്റിഗേഷൻ ബ്യൂറോ എന്നിവർ അടങ്ങുന്ന സംഘമാണ് പരിശോധന നടത്തിയത്. അസമിൽ നിന്നും കേരളത്തിലേക്ക് കഞ്ചാവ് കടത്തിക്കൊണ്ടുവന്ന് വിൽപന നടത്തുകയായിരുന്നു പ്രതി.