വീടുകൾ കുത്തിത്തുറന്ന് മോഷണവും മോഷണശ്രമവും ;കാളിയാർ

കാളിയാർ:കാളിയാർ മുപ്പത്തിയാറ് കവലയിൽ വ്യാഴാഴ്ച പുലർച്ചെ മൂന്നോടെയാണ് മോഷണം.മൂന്നു വീടുകളിലെത്തിയ മോഷ്ടാവ് ഒരു വീട്ടിൽ നിന്ന് സ്വർണ്ണമാല കവരുകയും മറ്റു രണ്ടു വീടുകൾക്ക് പൊളിക്കാനും ശ്രമം നടത്തി. വീടിൻറെ ജനലരികിൽ ഉറങ്ങിക്കിടന്ന കണ്ടത്തിൽ മിനിയുടെ കഴുത്തിൽ കിടന്ന രണ്ടു പവന്റെ മാലയുടെ ഒരു ഭാഗം പൊട്ടിച്ചാണ് മോഷ്ടാവ് കടന്നത്. സമീപത്തുള്ള വിജയൻ, നാസർ എന്നിവരുടെ വീട്ടിൽ മോഷണശ്രമവും നടന്നു. ഇരുവരുടെ വീടിൻറെ പിൻവശത്തെ വാതിലുകൾ കുത്തിപ്പൊളിക്കാൻ ശ്രമിക്കുകയും ചെയ്തിട്ടുണ്ട്. എന്നാൽ ഇവിടങ്ങളിൽ നിന്നും ഒന്നു മോഷ്ടിക്കാൻ കഴിഞ്ഞിട്ടില്ല. വീട്ടുകാർ വിവരമറിയിച്ചതിനനെ തുടർന്ന് കാളിയാർ പോലീസ് എത്തി കേസെടുത്ത്‌ അന്വേഷണം ആരംഭിച്ചതായി എസ് ഐ സാബു കെ പീറ്റർ പറഞ്ഞു.