നിരവധി തട്ടിപ്പ് കേസ് പ്രതി അറസ്റ്റിൽ

മലമ്പുഴ: കടുക്കാം കുന്നം ഉപ്പുപൊറ്റയിലുള്ള മണികണ്ഠന്റെ ഭാര്യ അംബികയാണ് (39)നിരവധി തട്ടിപ്പ് കേസുകളിൽ അറസ്റ്റ് ചെയ്തിരിക്കുന്നത്. നിരവധി ആളുകളെ കബളിപ്പിച്ചു ലക്ഷക്കണക്കിന് രൂപയാണ് ഇവർ തട്ടിയെടുത്തത്. യൂണിഫോം സാരി വാങ്ങി വിതരണം ചെയ്ത ലാഭം ഉണ്ടാക്കാം എന്ന് പറഞ്ഞ് കടുക്കാം കുന്നം സ്വദേശി തസ്ലീമയിൽ നിന്ന് 8.6 ലക്ഷം രൂപയും പങ്കാളിത്തത്തോടെ കാറ്ററിംഗ് നടത്തി ലാഭം ഉണ്ടാക്കാം എന്ന് പറഞ്ഞു കടുക്കാം കുന്നം സ്വദേശിനിയായ ചന്ദ്രികയിൽ നിന്ന് 11 ലക്ഷം രൂപയും തട്ടിയെടുത്തതായാണ് പരാതി. പണം തട്ടിപ്പും നിരവധി ചെക്ക് കേസ് വാറണ്ടുകളും ഇവരുടെ പേരിലുണ്ട്. ഇവർക്കെതിരെ മൂന്നു കേസുകൾ മലമ്പുഴ പോലീസ് സ്റ്റേഷനിൽ രജിസ്റ്റർ ചെയ്തിട്ടുണ്ടെന്ന് പോലീസ് പറഞ്ഞു. മലമ്പുഴ പോലീസ് സ്റ്റേഷൻ ഇൻസ്പെക്ടർ എം സുജിത്തിന്റെ നിർദ്ദേശപ്രകാരം എസ് എ രംഗനാഥൻ, എസ് ഐ ഷാജഹാൻ,എ എസ് ഐ മിനി, സിപിഓ മാരായ രമ്യാ, സന്ധ്യ എന്നിവർ ചേർന്നാണ് ഇവര് അറസ്റ്റ് ചെയ്തത്. അറസ്റ്റ് ചെയ്തത് കോടതി ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു.