മൂന്ന് വയസുകാരൻ ഓട്ടോ ഇടിച്ച് മരിച്ചു

ചെന്നൈ: മൂന്ന് വയസുകാരന് ഓട്ടോയിടിച്ച് മരിച്ചു. ഗഗൻ സായി എന്ന മൂന്ന് വയസുകാരനാണ് മരിച്ചത്. ചെന്നൈയിലെ തിരുവള്ളുർ ജില്ലയിൽ വൈകുന്നേരം ആയിരുന്നു സംഭവം. അവധിക്ക് തിരുപ്പതിയിൽ പോയ് മുത്തച്ഛനേയും മുത്തശ്ശിയേയും കണ്ട് മടങ്ങി എത്തിയതായിരുന്നു കുട്ടി. എതിർവശത്ത് നിന്ന ബന്ധുവിന് സമീപത്തേക്ക് ഓടിയതിനിടെ ഇതിലേ വന്ന ഓട്ടോ കുട്ടിയെ ഇടിച്ച് തെറിപ്പിക്കുകയാണ്.

അമ്മയ്ക്ക് ഫോണിൽ സംസാരിച്ചുകൊണ്ട് നിൽക്കുമ്പോൾ കുട്ടി റോഡിലേക്ക് ഓടിപ്പോയതിന് പിന്നാലെയാണ് അപകടം. കുട്ടി ഓടി വരുന്നത് റോഡിന് എതിർ വശത്ത് നിന്ന ബന്ധുവും ഇതിലേ എത്തിയ ഓട്ടോയും ശ്രദ്ധിച്ചിരുന്നില്ല. ഓട്ടോ ഇടിച്ച് തെറിച്ച് വീണ മൂന്ന് വയസുകാരൻ സംഭവ സ്ഥലത്ത് വച്ച് തന്നെ മരിക്കുകയായിരുന്നു. ഓട്ടോ ഡ്രൈവറെ അറസ്റ്റ് ചെയ്ത പൊലീസ് അശ്രദ്ധമായി വാഹനം ഓടിച്ചതിന് ഓട്ടോ ഡ്രൈവർക്കെതിരെ കേസ് എടുത്തിട്ടുണ്ട്. അമ്മയ്ക്കും രണ്ട് സഹോദരിമാർക്കും ഒപ്പമായിരുന്നു കുട്ടി താമസിച്ചിരുന്നത്.