സംഘ്പരിവാറിന് വിടുപണി ചെയ്യുന്ന പിണറായി രാജിവെക്കണം – എസ്.ഐ.ഒ

മലപ്പുറം: ജില്ലയെ ഭീകരവൽക്കരിക്കാനുളള പിണറായി സർക്കാർ – പൊലീസ് കൂട്ടുക്കെട്ടിന്റെ ഗൂഢാലോചനയിൽ പ്രതിഷേധിച്ച് എസ്.ഐ.ഒ മലപ്പുറം ജില്ലാ കമ്മിറ്റി മലപ്പുറം കുന്നുമ്മലിൽ നൈറ്റ് മാർച്ച് സംഘടിപ്പിച്ചു. സംഘ്പരിവാറിന് വിടുപണി ചെയ്യുന്ന പിണറായി വിജയൻ രാജിവെക്കണമെന്ന് എസ്.ഐ.ഒ സംസ്ഥാന ജനറൽ സെക്രട്ടറി അഡ്വ. റഹ്മാൻ ഇരിക്കൂർ ആവശ്യപ്പെട്ടു. എസ്.ഐ.ഒ ജില്ലാ പ്രസിഡന്റ് അനീസ് ടി അധ്യക്ഷത വഹിച്ച പരിപാടിയിൽ അഡ്വ. അമീൻ ഹസ്സൻ മുഖ്യപ്രഭാഷണം നിർവഹിച്ചു.