ഏകദിനവും മതിയാക്കി വാര്‍ണര്‍, പുതുവർഷത്തിൽ ആരാധകരെ നിരാശയിലാഴ്ത്തി തീരുമാനം

ഇനി ട്വന്റി 20യിൽ മാത്രമായിരിക്കും 37 കാരനായ വാര്‍ണര്‍ കളിക്കുക. 161 ഏകദിനങ്ങളിൽ നിന്ന് 22 സെഞ്ച്വറിയും 33 അര്‍ധസെഞ്ച്വറിയും ഉൾപ്പടെ 6932 റണ്‍സാണ് വാര്‍ണറുടെ സന്പാദ്യം. 179 റണ്‍സാണ് ഉയര്‍ന്ന സ്കോര്‍. ഓസ്ട്രേലിയയുടെ 2015, 2021 ഏകദിന ലോകകപ്പ് നേട്ടങ്ങളിലും നിര്‍ണായക പങ്കാളിയായിരുന്നു ഡേവി‍ഡ് വാര്‍ണര്‍. നേരത്തെ ജനുവരിയിൽ നടക്കുന്ന പാകിസ്ഥാന്‍ പരമ്പരയ്ക്ക് പിന്നാലെ ടെസ്റ്റിൽ നിന്ന് വിരമിക്കുന്നുവെന്ന് വാർണർ പ്രഖ്യാപിച്ചിരുന്നു. 37കാരനായ വാര്‍ണര്‍ക്ക് 109 ടെസ്റ്റുകളിലെ 199 ഇന്നിംഗ്‌സുകളില്‍ 25 സെഞ്ചുറിയും മൂന്ന് ഇരട്ട സെഞ്ചുറിയും 36 ഫിഫ്റ്റികളും സഹിതം 44.43 ശരാശരിയില്‍ 8487 റണ്‍സാണുള്ളത്.

2011ല്‍ ന്യൂസിലന്‍ഡിനെതിരെ ഗാബയിലായിരുന്നു ഇടംകയ്യനായ ഡേവിഡ് വാര്‍ണറുടെ ടെസ്റ്റ് അരങ്ങേറ്റം. ടെസ്റ്റ് ക്രിക്കറ്റില്‍ അത്ര മികച്ച ഫോമിലല്ലാത്ത വാര്‍ണര്‍ ഉടന്‍ വിരമിക്കണമെന്ന ആവശ്യം പലകോണുകളില്‍ നിന്ന് ഉയര്‍ന്നിരുന്നു. 2023 ഡിസംബര്‍ 14ന് പെര്‍ത്തിലാണ് ഓസ്ട്രേലിയ-പാകിസ്ഥാന്‍ ഒന്നാം ടെസ്റ്റ് തുടങ്ങുക. മെല്‍ബണില്‍ ഡിസംബര്‍ 26 മുതല്‍ രണ്ടാം ടെസ്റ്റും സിഡ്‌നിയില്‍ 2024 ജൂണ്‍ 3 മുതല്‍ പരമ്പരയിലെ അവസാന ടെസ്റ്റും നടക്കും.