ഭിന്നശേഷിക്കാരിയായ യുവതിയെ കൊലപ്പെടുത്തിയ സംഭവം : യുവാവ് പോലീസ് പിടിയിൽ

ബം​ഗളൂരൂ : ഭക്ഷണം നൽകാമെന്ന് വ്യാജേനെ ഭിന്നശേഷിക്കാരിയായ യുവതിയെ കാട്ടിലെത്തിച്ച് ബലാത്സംഗം ചെയ്ത് കൊലപ്പെടുത്തിയ കേസിൽ യുവാവ് അറസ്റ്റിൽ .കത്രികേനഹട്ടി സ്വദേശിയായ ഒബയ്യയാണ് അറസ്റ്റിലായത് . കർണാടകയിലെ വിജയനഗര ജില്ലയിലെ ടിപ്പെഹള്ളി-അബ്ബനഹള്ളിയിലാണ് സംഭവം . യുവതിയെ കാണാനില്ലയെന്ന് സഹോ​ദരി പൊലീസിൽ പരാതി നൽകിയിരുന്നു. തുടർന്ന് നടത്തിയ അന്വേഷണത്തിലാണ് മൃതദേഹം കണ്ടെത്തിയത് . തുടർന്ന് യുവതിയുടെ പോസ്റ്റുമോർട്ട റിപ്പോർട്ടിൽ ക്രൂരമായ ബലാത്സംഗത്തിന് ഇരയായെന്ന് കണ്ടെത്തിയിട്ടുണ്ട് . അതേസമയം പ്രതി യുവതിയെ കല്ലുകൊണ്ട് തലയ്ക്കടിച്ചാണ് കൊലപ്പെടുത്തിയത് എന്ന് പോലീസിന്റെ ചോദ്യം ചെയ്യലിൽ കുറ്റം സമ്മതിച്ചിട്ടുണ്ട് . പ്രതിയെ ജുഡീഷ്യൽ ഫസ്റ്റ് ക്ലാസ്സ് മജിസ്ട്രേറ്റ് കോടതിയിൽ ഹാജരാക്കിയ ശേഷം റിമാൻഡ് ചെയ്തു.