ഫ്രഞ്ച്‌ കോടതി ടെലിഗ്രാം സിഇഒ പവേൽ ദുരോവിന്റെ മേൽ കുറ്റം ചുമത്തി

പാരിസ് : ഫ്രഞ്ച്‌ കോടതി ടെലിഗ്രാം സിഇഒ പവേൽ ദുരോവിന്റെ മേൽ കുറ്റം ചുമത്തി. ടെലിഗ്രാമിൽ . നിയമവിരുദ്ധമായ പ്രവർത്തനങ്ങൾ നടക്കുന്നത് ഏറെയാണ് അതിനാലാണ് ടെലി​ഗ്രാം മേധാവിക്ക് മേൽ കുറ്റം ചുമത്തിയത് .ഇതോടെ ഫ്രാൻസ് വിട്ട് പവേൽ ദുരോവിന്‌ കഴിയില്ല . അതേസമയം പവേൽ ദുരോവിനെതിരെ കോടതി മേൽനോട്ടത്തിൽ അന്വേഷണവും നടക്കുന്നുണ്ട് .

പവേലിനെ ശനിയാഴ്ച വൈകിട്ട് പാരിസിലെ ലെ ബുർഗേ വിമാനത്താവളത്തിൽ നിന്നാണ്‌ അറസ്റ്റ്‌ ചെയ്തത്‌. മയക്കുമരുന്ന്‌ കടത്ത്‌, ആയുധക്കടത്ത്‌, കുട്ടികൾക്കെതിരായ ലൈംഗിക അതിക്രമ ദൃശ്യങ്ങളും പകർപ്പവകാശമുള്ള വിവരങ്ങളും പങ്കുവയ്‌ക്കാൽ എന്നിവയ്‌ക്കായി ടെലിഗ്രാം ഉപയോഗിക്കുന്നുവെന്ന്‌ ലഭിച്ച വിവരത്തിന്റെ അടിസ്ഥാനത്തത്തിൽ ഇത്‌ നിയന്ത്രിക്കുന്നതിൽ ദുരോവ്‌ പരാജയപ്പെട്ടു എന്നതിനാലായിരുന്നു പവേൽ ദുരോവിനെ അറസ്റ്റ് ചെയ്തത് . കൂടാതെ അന്വേഷണ ഏജൻസികളോട്‌ സഹകരിക്കാൻ ടെലിഗ്രാം തയ്യാറാകുന്നില്ലെന്നും ഒരു പരാതിയുണ്ട്‌.

റഷ്യയിൽ ജനിച്ച ശതകോടീശ്വരനായ പവേൽ ദുറോവ്‌ 2013ലാണ്‌ ടെലിഗ്രാം തുടങ്ങിയത്‌. ടെലിഗ്രാമിൽ റഷ്യൻ സർക്കാർ നിരീക്ഷണം തുടങ്ങിയതോടെ 2014ൽ പവേൽ ദുറോവ്‌ രാജ്യംവിട്ടു. ഫ്രാൻസിന്റെയും യുഎഇയുടെയും പൗരത്വമുള്ള അദ്ദേഹം ദുബായിലാണ്‌ താമസം. പവേലിന്റെ അവകാശങ്ങൾ സംരക്ഷിക്കണമെന്നും ബന്ധപ്പെടാൻ അവസരമൊരുക്കണമെന്നും ഫ്രാൻസിനോട്‌ ആവശ്യപ്പെട്ടതായി റഷ്യൻ എംബസി അറിയിച്ചു.