വയനാട് ജില്ലയില്‍ മഴ കുറഞ്ഞു; 6 വിനോദ സഞ്ചാര കേന്ദ്രങ്ങള്‍ വ്യാഴാഴ്ച മുതല്‍ വൈകീട്ട് നാലുവരെ തുറന്ന് പ്രവര്‍ത്തിക്കും

കൽപറ്റ: വയനാട് ജില്ലയില്‍ മഴ കുറഞ്ഞ സാഹചര്യത്തില്‍ ടൗണ്‍ സ്‌ക്വയര്‍ സുല്‍ത്താന്‍ ബത്തേരി, വയനാട് ഹെറിറ്റേജ് മ്യൂസിയം അമ്പലവയല്‍, പൂക്കോട് തടാകം വൈത്തിരി, കര്‍ളാട് തടാകം വൈത്തിരി, പഴശ്ശി ലാന്‍ഡ് സ്‌കേപ്പ് മ്യൂസിയം പുല്‍പ്പള്ളി, കാരാപ്പുഴ ഡാം എന്നീ വിനോദ സഞ്ചാര കേന്ദ്രങ്ങള്‍ വ്യാഴാഴ്ച മുതല്‍ വൈകീട്ട് നാലുവരെ തുറന്ന് പ്രവര്‍ത്തിക്കുന്നതിന് ജില്ലാ ദുരന്ത നിവാരണ അതോറിറ്റി അനുമതി നല്‍കി. വിനോദ സഞ്ചാരികളുടെ സുരക്ഷ അതത് കേന്ദ്രങ്ങള്‍ ഉറപ്പ് വരുത്തണം.