ശ്രീലങ്കക്കെതിരായ ആദ്യ മത്സരത്തിൽ 43 റൺസിന് ഇന്ത്യക്ക് ജയം

പല്ലേക്കെലെ: ശ്രീലങ്കയെ അടിച്ച് തകർത്ത് ട്വൻറി20 ആദ്യ മത്സരത്തിൽ ഇന്ത്യക്ക് ജയം. 43 റൺസിനാണ് ഇന്ത്യയുടെ ജയം. ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യ 20 ഓവറിൽ ഏഴു വിക്കറ്റ് നഷ്ടത്തിൽ 213 റൺസെടുത്തു. ആതിഥേയരായ ശ്രീലങ്ക 19.2 ഓവറിൽ 170 റൺസിന് ഓൾ ഔട്ടായി. അർധ സെഞ്ചുറി നേടിയ നായകൻ സൂര്യകുമാർ യാദവാണ് കളിയിലെ താരം.