ബാലവേല; കുറ്റങ്ങള്‍ക്കുള്ള പിഴത്തുകയില്‍ മൂന്നുമുതല്‍ നാലുമടങ്ങുവരെ വര്‍ധന ശുപാര്‍ശചെയ്ത് പാര്‍ലമെന്ററി കമ്മിറ്റി

ബാലവേലയുമായി ബന്ധപ്പെട്ട കുറ്റങ്ങള്‍ക്കുള്ള പിഴത്തുകയില്‍ മൂന്നുമുതല്‍ നാലുമടങ്ങുവരെ വര്‍ധന ശുപാര്‍ശചെയ്ത് പാര്‍ലമെന്ററി സ്റ്റാൻഡിങ് കമ്മിറ്റി. തൊഴില്‍, ടെക്‌സ്റ്റൈല്‍സ്, നൈപുണി വികസന സ്റ്റാൻഡിങ് കമ്മിറ്റിയാണ് ബുധനാഴ്ച പാര്‍ലമെന്റില്‍ റിപ്പോര്‍ട്ട് സമർ‌പ്പിച്ചത്. ലൈസന്‍സ് റദ്ദാക്കല്‍, വസ്തുവകകള്‍ കണ്ടുകെട്ടല്‍ തുടങ്ങിയ നടപടികള്‍ കൈക്കൊള്ളാനും ശുപാര്‍ശയുണ്ട്. കുട്ടികളുടെ ക്ഷേമം മുന്നില്‍ക്കണ്ട് ബാലവേല നിരോധനനിയമത്തില്‍ ഉചിതമായ ഭേദഗതികള്‍ വരുത്തണമെന്നും കമ്മിറ്റി ചെയര്‍പേഴ്‌സണ്‍ ഭര്‍തൃഹരി മഹ്തബിന്റെ അധ്യക്ഷതയിലുള്ള പാനല്‍ ശുപാര്‍ശചെയ്തു.