നിർത്തിയിട്ടിരുന്ന കെഎസ്ആർടിസി ബസ് പിന്നോട്ടുരുണ്ടു മതിലും ​ഗേറ്റും ഇടിച്ചു തകർന്ന നിലയിൽ

കോട്ടയം : സ്റ്റാൻഡിൽ നിർത്തിയിട്ടിരുന്ന കെഎസ്ആർടിസി ബസ് പിന്നോട്ടുരുണ്ട് പോയി സമീപത്തുള്ള മതിലും ​ഗേറ്റും ഇടിച്ചു തകർത്തു. കോട്ടയം ബസ് സ്റ്റാൻഡിൽ ഇന്ന് പുലർച്ചെയായിരുന്നു സംഭവം. ബസ് സ്റ്റാൻഡിന് എതിർവശത്തുള്ള പ്രസ് ക്ലബ് കെട്ടിടത്തിന്റെ ഗേറ്റും മതിലുമാണ് ഇടിയുടെ ആഘാതത്തിൽ തകർന്നത് . ബസ്സ്റ്റാ ൻഡിലേക്ക് കയറുന്ന ഭാഗത്ത് നിർത്തിയിട്ട ശേഷം ഡ്രൈവർ ചായ കുടിക്കുവാൻ വേണ്ടി പോയ സമയത്താണ് സംഭവം നടന്നത് .

ബ്രേക്ക് നഷ്ടപ്പെട്ട ബസ് നിയന്ത്രണം വിട്ട് പിന്നിലേക്ക് നീങ്ങി റോഡ് കുറുകെ കടന്ന് പ്രസ് ക്ലബ്ബ് – പിഡബ്ല്യുഡി മന്ദിരങ്ങളുടെ മതിലിൽ ഇടിച്ച് നിൽക്കുകയായിരുന്നു.അതേസമയം ആ പുലർച്ചെ റോഡിൽ വാഹനങ്ങളും വഴിയാത്രക്കാരും കുറവായതിനാൽ മറ്റ് അപകടങ്ങൾ ഒന്നും സംഭവിച്ചില്ല .

.