വിദേശത്ത് ജോലി വാഗ്ദാനം ചെയ്ത് യുവാവിനെ കടത്തിക്കൊണ്ട് പോയ കേസ്; മുഖ്യപ്രതി അറസ്റ്റിൽ

കൊല്ലം: വിദേശത്ത് ജോലി വാഗ്ദാനം ചെയ്ത് യുവാവിനെ കടത്തിക്കൊണ്ട് പോയ കേസിൽ മുഖ്യപ്രതി അറസ്റ്റിൽ. കൊല്ലം വെള്ളിമൺ സ്വദേശി പ്രവീൺ (26) ആണ് പിടിയിലായത്. കിളിക്കൊല്ലൂർ സ്വദേശി അമൽ അശോകിൻ്റെ പരാതിയിലാണ് കൊല്ലം ഈസ്റ്റ് പൊലീസ് പ്രതിയെ പിടികൂടിയത്.

വിയറ്റ്നാമിൽ പരസ്യ കമ്പനിയിൽ ജോലി വാഗ്ദാനം ചെയ്ത് 22,0000 രൂപയാണ് യുവാവിൽ നിന്ന് പ്രതി കൈക്കലാക്കിയത്. എന്നാൽ യുവാവിനെ വിയറ്റ്നാമിൽ എത്തിച്ച് കംബോഡിയയിലേക്ക് കടത്തിക്കൊണ്ട് പോയി സ്കാമിംഗ് ഉൾപ്പടെയുള്ള ജോലികൾ ചെയ്യിപ്പിക്കുകയായിരുന്നു. പ്രവീൺ അടക്കം നാല് പേരാണ് കേസിലെ പ്രതികൾ. മറ്റ് പ്രതികൾക്ക് വേണ്ടി അന്വേഷണം ഊർജിതമാക്കിയിട്ടുണ്ടെന്ന് പൊലീസ് അറിയിച്ചു.