തിരുവല്ലയിലെ സ്റ്റേഷനില്‍ മദ്യപിച്ച് ബഹളമുണ്ടാക്കിയ സംഭവം : പോലീസുകാരനെതിരെ കേസെടുത്തു

തിരുവല്ല: തിരുവല്ലയിലെ സ്റ്റേഷനില്‍ മദ്യപിച്ച് ബഹളമുണ്ടാക്കിയ സംഭവത്തിൽ പോലീസുകാരനെതിരെ കേസെടുത്തു.സീനിയര്‍ സിവില്‍ പോലീസ് ഓഫീസര്‍ക്കെതിരെ കേസ് എടുത്തിരിക്കുന്നത് .തിരുവല്ല പോലീസ് സ്റ്റേഷനില്‍ തിങ്കളാഴ്ച രാത്രിയാണ് സംഭവം നടന്നത് . സ്റ്റേഷനില്‍ ജി.ഡി. ചുമതലയുള്ള രാജ്കുമാറിനെതിരെയാണ് കേസെടുത്തിരിക്കുന്നത് .

ഡ്യൂട്ടി സമയത്ത് രാജ്‌കുമാർ മദ്യപിച്ചെത്തുകയും അസ്വാഭാവികമായ രീതിയില്‍ പെരുമാറുകയും ചെയ്തത് ബഹളം വെക്കുകയും ചെയ്തതിനെയാണ് കേസ് എടുത്തിരിക്കുന്നത് . ഈ സംഭവം ഉന്നത തലത്തിലേക്ക് പരാതിപ്പെടേണ്ട എന്ന് മറ്റു പോലീസുകാര്‍ കരുതിയെങ്കിലും പിന്നീട് സ്ഥിതി വഷളായതോടെ സി.ഐ തന്നെ ഇയാള്‍ക്കെതിരെ പരാതി നല്‍കുകയായിരുന്നു.

രാജ്കുമാര്‍ മദ്യപിച്ചുവെന്ന് തെളിയിക്കാനുള്ള വൈദ്യപരിശോധനയ്ക്കായി താലൂക്ക് ആശുപത്രിയില്‍ എത്തിച്ചപ്പോൾ ഇയാൾ ബഹളം വെക്കുകയും ചെയ്‌തു തുടർന്ന് ദൂരസ്ഥലത്തേക്ക് സ്ഥലം മാറ്റമുള്‍പ്പെടെ ശക്തമായ നടപടി വേണമെന്ന ശുപാര്‍ശയാണ് ജില്ലാ പോലീസ് മേധാവിക്ക് ഇപ്പോൾ നല്‍കിയിരിക്കുന്നത് .