വീടിനു മുകളിൽ മരം വീണ് വയോധികയ്ക്ക് ദാരുണാന്ത്യം, കൊച്ചുമകൾക്ക് പരിക്ക്

കോഴിക്കോട്: വീടിനു മുകളിൽ മരം വീണ് വയോധികയ്ക്ക് ദാരുണാന്ത്യം, കൊച്ചുമകൾക്ക് പരിക്ക് പെരുമണ്ണ അരമ്പച്ചാലിൽ വീടിനു മുകളിൽ മരംവീണ് ചിരുതക്കുട്ടി (85) ആണ് മരിച്ചത്. മണ്ണുമാന്തി ഉപയോഗിച്ച് അടുത്ത പറമ്പിൽ മണ്ണെടുത്തുകൊണ്ടിരിക്കുന്നതിനിടെയിൽ പന വീടിനു മുകളിലേക്ക് വീഴുകയായിരുന്നു.ചിരുതകുട്ടി ആ സമയത്ത് വീടിന് പുറത്തുനിൽക്കുകയായിരുന്നു അപ്പോൾ ശരീരത്തിലേക്ക് പനയുടെ അവശിഷ്ടങ്ങൾ പതിക്കുകയായിരുന്നു.

സമീപത്തുണ്ടായിരുന്ന മകൻ വിനോദിന്റെ അഞ്ചുവയസ്സുകാരിയായ മകൾ ആരാധന സമീപത്തുണ്ടായിരുന്നു എന്നാൽ കുട്ടി പരിക്കുകളേടെ രക്ഷപ്പെടുകയായിരുന്നു .ചിരുതക്കുട്ടിയെ ഉടൻ തന്നെ അടുത്തുള്ള ആശുപത്രിയിൽ പ്രവേശിച്ചെങ്കിലും ജീവൻ രക്ഷിക്കാൻ സാധിച്ചില്ല .

വിവരമറിഞ്ഞ് ഉടൻ പന്തീരങ്കാവ് പോലീസും താലൂക്ക് ദുരന്തനിവാരണ സേന ടിഡിആർഎഫ് വളണ്ടിയർമാരും സ്ഥലത്തെത്തി.മരിച്ച ചിരുത പരേതനായ ജോയിയുടെ ഭാര്യയാണ് . താലൂക്ക് ദുരന്തനിവാരണ സേന വളണ്ടിയർമാരും നാട്ടുകാരും ചേർന്ന് വീടിന് മുകളിൽ വീണ മരം നീക്കാനുള്ള പരിശ്രമത്തിലാണ്. അയൽവാസിയുടെ പറമ്പിലെ മരമാണ് അപകടത്തിന് ഇടയാക്കിയത് .