ബസ്സിനും വൈദ്യുത പോസ്റ്റിനും ഇടയിൽപെട്ട് ഒരാൾ മരിച്ചു

കോഴിക്കോട്: ബസ്സിനും വൈദ്യുത പോസ്റ്റിനും ഇടയിൽപെട്ട് ഉണ്ടായ അപകടത്തിൽ ഒരാൾ മരിച്ചു. ഉച്ചയ്ക്ക് 2:30ന് കോഴിക്കോട് ജില്ലയിലെ ഫറോക്കിലായിരുന്നു സംഭവം. ചാലിയം കപ്പലങ്ങാടി സ്വദേശി മുഹമ്മദാലി (47) ആണ് മരിച്ചത്. പരപ്പനങ്ങാടി റൂട്ടിൽ ഓടുന്ന ‘കാർത്തിക’ എന്ന ബസ്സിനടിയിൽപെട്ടാണ് മുഹമ്മദാലിക്ക് ദാരുണാന്ത്യം ഉണ്ടായത് . പരപ്പനങ്ങാടി ഭാ​ഗത്തേക്ക് പോകുന്ന ബസ് ഫറോക്ക് ബസ് സ്റ്റാൻഡിനകത്തേക്ക് കയറാനായി വരുമ്പോഴായിരുന്നു അപകടം ഉണ്ടായത് .