കാസര്‍കോട്ടെ സ്ഥാനാര്‍ഥികള്‍ പരാതിയുമായി രംഗത്ത് :വോട്ടെണ്ണല്‍ കേന്ദ്രത്തില്‍ ആവശ്യമുള്ള സൗകര്യമില്ല;

കാസര്‍കോട്: കാസര്‍കോട്ടെ സ്ഥാനാര്‍ഥികള്‍ പരാതിയുമായി രംഗത്ത് ,വോട്ടെണ്ണല്‍ കേന്ദ്രത്തില്‍ ആവശ്യമുള്ള സൗകര്യമില്ല എന്ന് ചൂണ്ടിക്കാണിച്ചാണ് പരാതിയുമായി രംഗത്ത് വന്നിരിക്കുന്നത് . കേന്ദ്രസര്‍വകലാശാലയിലെ ബ്ലോക്കുകളിലായിട്ടാണ് വോട്ടെണ്ണലിന് കേന്ദ്രമൊരുക്കിയിരിക്കുന്നത്. അതേസമയം ഇത്ര വിശാലമായ ക്യാംപസ് ഉണ്ടായിട്ടുപോലും വോട്ടെണ്ണല്‍ കേന്ദ്രത്തിൽ വളരെ പരിമിതമായ സ്ഥലത്താണ് വോട്ടെണ്ണല്‍ ഒരുക്കിയിരിക്കുന്നത് എന്ന് സ്ഥാനാര്‍ഥികള്‍ പറയുന്നത്. വോട്ടെണ്ണല്‍ കേന്ദ്രത്തിലെത്തുന്ന സ്ഥാനാര്‍ഥികള്‍ക്കും ഏജന്റുമാര്‍ക്കും സുഖമമായി സഞ്ചരിക്കാനുള്ള സൗകര്യം ഉണ്ടാവണമെന്നാണ് തിരഞ്ഞെടുപ്പ് കമ്മീഷന്‍ നിര്‍ദേശിച്ചിരുന്നത് . എന്നാല്‍ ഇരിക്കാനോ കസേര നീക്കിയിടാനോ ഉള്ള സൗകര്യം ഇവിടെയില്ലെന്ന് സ്ഥാനാര്‍ഥികള്‍ പരാതിപ്പെടുകയുണ്ടായി . അതേസമയം വോട്ടെണ്ണലിന് സമീപം ഏജന്റുമാരെ ഇരിക്കാന്‍ അനുവദിക്കുന്നില്ലെന്നും ആരോപണമുണ്ട്.