കാറിന്റെ ഡോറിലിരുന്ന് പെണ്‍കുട്ടിയുടെയും യുവാവിന്റെയും അഭ്യാസ പ്രകടനം : കർശന നടപടിക്ക് ഒരുങ്ങി മോട്ടോര്‍ വാഹനവകുപ്പ്

ഇടുക്കി: കാറിന്റെ ഡോറിലിരുന്ന് പെണ്‍കുട്ടിയുടെയും യുവാവിന്റെയും അഭ്യാസ പ്രകടനത്തിൽ ഇരുവർക്കും എതിരെ കർശന നടപടിക്ക് ഒരുങ്ങി മോട്ടോര്‍ വാഹനവകുപ്പ്.

മൂന്നാര്‍ ഗ്യാപ് റോഡില്‍ വച്ചായിരുന്നു അപകടകരമായരീതിയില്‍ യുവാക്കളുടെ കാര്‍ യാത്ര. കാറിന്റെ ഡോറിലിരുന്ന് തലയും ഉടലും പുറത്തിട്ട് പെണ്‍കുട്ടിയും യുവാവും ചേർന്ന് കാറില്‍ യാത്രചെയ്യുന്ന ദൃശ്യങ്ങളാണ് ഇപ്പോൾ പുറത്തുവന്നിരിക്കുന്നത് . റോഡിൽ ഉണ്ടായിരുന്ന മറ്റുവാഹനങ്ങള്‍ക്ക് സൈഡ് നല്‍കാതെയും ഇവർ എതിര്‍ദിശയിലൂടെ വളവുകള്‍ തിരിയുന്നതും ദൃശ്യങ്ങളില്‍ കാണാൻ സാധിക്കും .

കൊല്ലം രജിസ്‌ട്രേഷനിലുള്ള കാറിലായിരുന്നു പെണ്‍കുട്ടി ഉള്‍പ്പെടെയുള്ളവര്‍ യാത്ര ചെയ്തിരുന്നത് .സാമൂഹികമാധ്യമങ്ങളില്‍ ഇതിന്റെ ദൃശ്യങ്ങള്‍
പ്രചരിച്ചതോടെയാണ് മോട്ടോര്‍ വാഹനവകുപ്പ്
കർശന നടപടിയ്ക്ക് ഒരുങ്ങിയത് . അതേസമയം വാഹന ഉടമയെ കണ്ടെത്തിയതായും തുടർന്ന് ഇവര്‍ക്കെതിരേ നിയമനടപടി സ്വീകരിക്കുമെന്നും മോട്ടോര്‍ വാഹനവകുപ്പ് അറിയിച്ചിട്ടുണ്ട്.