കൂരാച്ചുണ്ടിൽ ഉരുൾപൊട്ടൽ: പലയിടത്തും നാശനഷ്ടം

കോഴിക്കോട്: തുടരെ പെയ്‌ത്‌ കൊണ്ടിരിക്കുന്ന കനത്ത മഴയിൽ കൂരാച്ചുണ്ടിൽ ഉരുൾപൊട്ടൽ. കൂരാച്ചുണ്ടിൽ കരിയാത്തൻപാറയിലാണ് ഉരുൾപൊട്ടലിനെ തുടർന്ന് പലയിടത്തും നാശനഷ്ടം സംഭവിച്ചത് .അപകടത്തിൽ ഇരുപത്തെട്ടാംമൈൽ സ്വദേശി മുജീബിന്റെ കോഴിഫാം തകർന്നു. കഴിഞ്ഞ ദിവസം രാത്രി ഏഴ് മണിയോടെയായിരുന്നു മണ്ണിടിച്ചിലുണ്ടായത്. മണ്ണിടിഞ്ഞ് മീറ്ററുകളോളം താഴേക്ക് വരികയും തുടർന്ന് വ്യാപകമായ കൃഷിനാശം സംഭവിക്കുകയും ചെയ്തു. ഈ സാഹചര്യത്തിൽ ഇപ്പോൾ പ്രദേശത്തെ വീടുകള്‍ ഭീഷണിയിൽ തുടരുകയാണ് .

മണ്ണിടിഞ്ഞപ്പോൾ ഫാമിന്റെ മുകളിൽ അടിഞ്ഞുകൂടുകയായിരുന്നു. ആ ഫാമിൽ അധികവും കോഴികൾ ഉണ്ടായിരുന്നില്ല. എന്നാൽ, 1500-ഓളം കൂടുകൾ ഉണ്ടായിരുന്നു. അത് ഉരുൾപൊട്ടലിനെ തുടർന്ന് നഷ്ടപ്പെട്ടു. അവിടെ ഉണ്ടായിരുന്ന ഇരുന്നൂറോളം കവുങ്ങുകളും നശിച്ചു. ഇനി ഒന്നിനും പറ്റാത്ത അവസ്ഥയിലാണ് പറമ്പ്’, കോഴിഫാം ഉടമ മുജീബ് പറയുന്നത് .