കാണാതായ വീട്ടമ്മയുടെ മൃതദേഹം കല്ലടയാറ്റില്‍ നിന്ന് കണ്ടെത്തി

പത്തനാപുരം: കാണാതായ വീട്ടമ്മയുടെ മൃതദേഹം കല്ലടയാറ്റില്‍ നിന്ന് കണ്ടെത്തി.കമുകുംചേരി ചെന്നില മണ്‍ കമലാലയത്തില്‍ കമലാസനന്റെ ഭാര്യ വത്സല(53)യുടെ മൃതദേഹമാണ് ചാണപ്പാറ കടവില്‍ വെള്ളിയാഴ്ച രാവിലെ കണ്ടെത്തിയത്.

വത്സലയെ ബുധനാഴ്ച രണ്ടുമണിക്ക് ആറ്റില്‍ വീണ് കാണാതാവുകയായിരുന്നു . രണ്ടുദിവസമായി പത്തനാപുരം ഫയര്‍ ഫോഴ്‌സും പൊലീസും കൊല്ലത്തുനിന്ന് സ്‌കൂബാ ടീമും ചേർന്ന് തിരച്ചില്‍ നടത്തിയെങ്കിലും കണ്ടെത്താനായിരുന്നില്ല. ശക്തമായ മഴയെ തുടര്‍ന്ന് ആറ്റിലുണ്ടായ ഒഴുക്ക് തിരച്ചിലിന് തടസ്സം ഉണ്ടാക്കി . വത്സലയുടെ മൃതദേഹം പുനലൂര്‍ താലൂക്ക് ആശുപത്രിയിലേക്ക് മാറ്റിയിരിക്കുവാണ് .