78 ഗ്രാം എം.ഡി.എം.എ.യുമായി കാറിൽ കടത്താൻ ശ്രമിച്ച മൂന്നുപേർ പിടിയിൽ

പൂവാർ : 78 ഗ്രാം എം.ഡി.എം.എ.യുമായി കാറിൽ കടത്താൻ ശ്രമിച്ച മൂന്നുപേർ പോലീസ് പിടിയിലായി .പള്ളിപ്പുറം സ്വദേശി ഷഫീക്ക് (28), കഠിനംകുളം സ്വദേശി ലിജോ (35), ആറ്റിപ്ര സ്വദേശി ലിജിൻ(34) എന്നിവരാണ് പോലീസ് പിടിയിലായത്. രഹസ്യവിവരത്തിന്റെ അടിസ്ഥാനത്തിൽ തിരുവനന്തപുരം റൂറൽ എസ്.പി. കിരൺ നാരായണൻ നടത്തിയ അന്വേഷണo നടത്തിയത്.

ഇവരെ പിന്തുടർന്ന് ആന്റി നാർക്കോട്ടിക്ക് സംഘം വിള ജങ്‌ഷനിൽവെച്ച് പിടികൂടുകയായിരുന്നു. അപ്പോൾ ബെംഗളൂരുവിൽനിന്ന് തിരുവനന്തപുരത്തേക്ക് വരുകയായിരുന്നു കാർ. എന്നിട്ട് ബൈപ്പാസിൽ ബാരിക്കേഡ് സ്ഥാപിച്ചാണ് പോലീസ് കാർ തടഞ്ഞുനിർത്തിയത്. കോട്ടിലും കാറിന്റെ സീറ്റിനടിയിലും ഒളിപ്പിച്ചനിലയിലായിരുന്നു എം.ഡി.എം.എ കണ്ടെത്തിയത് .

കഠിനംകുളം, മംഗലപുരം എന്നീ മേഖലകളിലെ സ്കൂൾ, കോളേജ് വിദ്യാർഥികൾക്കും അന്യസംസ്ഥാന തൊഴിലാളികൾക്കും വില്പന നടത്താനാണ്‌ എം.ഡി.എം.എ. കൊണ്ടുവന്നതെന്ന് ചോദ്യംചെയ്യലിൽ ഇവർ പോലീസിനോടു പറഞ്ഞു.

പ്രതികളായ ഷഫീക്ക്, ലിജോ എന്നിവർ നിരവധി കേസുകളിൽ ഉൾപ്പെട്ടവരാണ്. കൂടാതെ കാപ്പ ചുമത്തി ജയിലിലായിരുന്നു ഇരുവരും. ഈ അടുത്ത കാലത്താണ് ഇരുവരും പുറത്തിറങ്ങിയത്. ഇവർക്കെതിരെ പൂവാർ പോലീസ് കേസെടുത്തിട്ടുണ്ട് . അതോടെപ്പം ഇവർ സഞ്ചരിച്ച കാറും പോലീസ് പിടിച്ചെടുത്തിട്ടുണ്ട് .