കോഴിക്കോട് ഇടിമിന്നലേറ്റ്‌ ഏഴുപേര്‍ക്ക് പരിക്കേറ്റു

കോഴിക്കോട്: കോഴിക്കോട് ഇടിമിന്നലേറ്റ്‌ ഏഴുപേര്‍ക്ക് പരിക്കേറ്റു.സൗത്ത് ബീച്ചില്‍ വിശ്രമിച്ചവര്‍ക്കും ജോലിയില്‍ ഏര്‍പ്പെട്ടിരുന്നവര്‍ക്കുമാണ് ഇടിമിന്നലേറ്റത് . അതിൽ ഒരാള്‍ അതിതീവ്ര പരിചരണ വിഭാഗത്തില്‍ ചികിത്സയിലാണ്. എന്നാൽ മറ്റ് ആറു പേരുടെ ആരോഗ്യ നില തൃപ്തികരമാണ്. ഉച്ചയ്ക്ക് ഒരു മണിയോടെയാണ് സംഭവം നടന്നത് .പരിക്കേറ്റവരില്‍ ഒരാളുടെ പ്രായം 17 വയസ്സാണ് . ലോറിയുടെ മുകളിലായി പണി എടുക്കുകയായിരുന്ന രണ്ട് പേര്‍ക്കാണ് മിന്നലേറ്റത് .
ചാപ്പയില്‍ സ്വദേശികളായ മനാഫ്, സുബൈര്‍, അനില്‍ അഷ്‌റ്ഫ് , സലീം, അബദുള്‍ ലത്തിഫ് ജംഷീര്‍ എന്നിവര്‍ക്കാണ് പരിക്ക്. അപകടത്തിൽ പരിക്കേറ്റവർ കോഴിക്കോട് ബീച്ച് ആശുപത്രിയില്‍ ചികിത്സയിലാണ് .