അപകടത്തില്‍ ഗുരുതരമായി പരിക്കേറ്റയാൾക്ക് കൈതാങ്ങായി സ്വകാര്യബസ് 

പാലക്കാട്: വാഹനാപകടത്തില്‍ ഗുരുതരമായി പരിക്കേറ്റയാളെ ആശുപത്രിയിലെത്തിച്ച സ്വകാര്യ ബസ് ജീവനക്കാര്‍. പാലക്കാട് നെന്മാറ ഗോമതിയിലാണ് പിക്കപ്പ് വാനും ബൈക്കും കൂട്ടിയിടിച്ച് അപകടമുണ്ടായത്. അതേസമയം പിക്കപ്പ് വാന്‍ നിര്‍ത്താതെ പോവുകയായിരുന്നു. അപകടത്തിൽ ബൈക്ക് യാത്രികരായ രണ്ട് പേര്‍ക്കും ഗുരുതരമായി പരിക്കേറ്റിട്ടുണ്ട് .

ഒരാളെ ആംബുലന്‍സില്‍ ആശുപത്രിയിലേക്കും, മറ്റയാളെ ആശുപത്രിയിലേക്ക് കൊണ്ടുപോകാന്‍ വേണ്ടി വാഹനം കാത്തുനില്‍ക്കുമ്പോലായിരുന്നു സ്വകാര്യ ബസ് രക്ഷകനായി എത്തിയത് . ഗോവിന്ദപുരം-തൃശൂര്‍ റൂട്ടിലോടുന്ന ലതഗൗതം ബസിലെ ജീവനക്കാരാണ് ആശുപത്രിയിലേക്ക് രക്ഷകനായി പാഞ്ഞ് വന്നത് .

ബസിൽ ഉണ്ടായിരുന്ന യാത്രക്കാരും മറ്റും പരിക്കേറ്റയാളെ ആശുപത്രിയിലെത്തിക്കുന്നതില്‍ വളരെയധികം സഹായിച്ചു. പരിക്കേറ്റ രണ്ട് പേരും തൃശൂര്‍ മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. ഇരുവരുടെയും പരിക്ക് ഗുരുതരം അല്ലെന്നാണ് ആശുപത്രി അധികൃതര്‍ പറഞ്ഞത് .